獨家丨姜濤疑暗交19歲「YOLO女神」Candy 情人節前夕同遊中環後嗌分手

更新時間 (HKT): 2021.04.13 06:00

人氣男神姜濤(姜B)今個月30日便22歲生日,聲稱至今仍未拍過拖,早前在陳志雲的網台節目上,更勇敢承認自己仍是處男。不過,近日有讀者就發現姜濤並非單身,曾經暗撻ViuTV單元劇《YOLO的練習曲》其中一位女團成員黃曉文(Candy Wong,藝名黃曦誼),在今年情人節前夕(2月13日)結伴夜遊中環荷李活道,並前後腳將街景相貼上IG Story,但翌日疑嗌交分手,女方委屈指自己「一次二次俾人玩」,但未有提到另一半身份。

熱戀中的情侶多少都會留下一些蛛絲馬迹,在2月13日,即情人節前一晚,姜濤在IG Story貼了一張中環的街景相,寫着:「完了 迷路了」;同一個晚上,Candy又在IG Story貼了同一位置的街景相,雖然角度有偏差,但明顯是同一個生果檔主,加上附近店舖亮着的水晶燈,和霓虹光管上「ON」字樣都是如出一徹,如說撞到也未免太過巧合。

網民鬧爆PK姜

不過,Candy和姜濤疑似在當晚嗌大交後分手,情人節當日,姜濤跟MIRROR做直播騷期間,心情欠佳笑容欠奉,他自稱身體不適,受訪時兩度腳軟,更突然坐下,他自嘲孱弱:「唔好搵我呢類人做男朋友。」似乎被情所困影響狀態。當時有一名叫「ReneeWong」的網民代Candy在直播中留言,鬧爆姜濤:「PK姜你搵返candywong未?」記者事後翻查該賬戶卻已被取消。受情傷困擾的Candy ,在情人節翌日(15日)的凌晨出post,留言:「原來乖嘅女仔,真係會比(俾)人玩。仲要係一次二次」、「呢條路,我究竟要點樣行,感覺自己點選擇,都好對唔住屋企人」,似乎受到傷害和好大壓力。

Candy今年19歲,眼大大、擁有一把直長秀髮,絕對是姜濤喜歡的類型。姜濤與Candy在去年合作拍攝音樂微電影《戀愛要在生日前》認識,當中還有MIRROR的陳卓賢(Ian)。後生仔女合作好容易夾啱嘴形,兩男一女不僅在IG互相關注,彼此出新post還會經常互like,當時已有不少網民追問3人之間的關係,有人曾在Candy開直播時問:「同姜濤嗰陣拍拖點解分手?」但相關問題一概不回應。至於Ian,自公開與索模盧慧敏(Amy Lo)拍拖後,Candy與Ian已互相取消關注,只繼續關注姜濤。

對於情人節前夕被指在中環密會姜濤,Candy接受訪問時堅稱當日並非和姜濤在一起。她說:「13日嗰晚我真係冇同佢一齊呀,其實我自己成日post唔同地方嘅相,但唔記得去過邊度,總之合作完就冇同佢再見面。」對於在IG Story寫上負面情緒的字句,Candy解釋純粹是有感而發:「好多時睇咗人哋啲嘢又好,自己嘅事又好,我都會喺IG story share一下。冇諗過會同佢傳呢啲嘢。」問到有網民留言叫姜濤「搵返Candy未?」Candy聽罷即「吓」了一聲,繼而再三說沒有和姜濤拍過拖,又透露自己現時是單身,同時亦否認姜濤追求過她,強調大家只是單純合作過。她說:「可能啲人見我同佢合作過,希望好似韓劇咁,想有更加多嘅續集啩!」問到姜濤是否理想對象,Candy未有回應,只說理想對象是韓星孔劉,覺得他很有型。

台灣疑私會辣妹

姜濤血氣方剛,一直表示好恨拍拖。另有網民就注意到姜濤在去年到台灣拍劇期間,隔離14日後出關即溝女,關注了一名打扮前衛的女仔Chloe,其IG賬戶叫「queena_linn」,她與姜濤在IG也是互相關注,Chloe留言:「我直接被一個香港明星貼,會不會太爽啦,又帥又高,啊嘶」,但不久賬戶被刪除。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner