MIRROR自信多fans投票爭奬 Lokman:人多好辦事!

更新時間 (HKT): 2021.04.14 22:28

ViuTV首個音樂頒獎禮《CHILL CLUB推介榜年度推介20/21》將於周日舉行,屆時人氣組合MIRROR、C AllStar和樂隊Dear Jane會有一個jam歌環節,互唱對方的歌,3隊組合今晚在九展進行綵排。對於MIRROR有份角逐多個奬項,成員各有支持者,相對其他對手有優勢,隊長楊樂文(Lokman)笑說:「呢個就係我哋MIRROR嘅力量,人多好辦事,蟻多摟死象。」

不過MIRROR另一成員江𤒹生(Anson Kong)並不認同Lokman的講法:「都未必,本來我哋12個一就推選Dee哥(ERROR成員何啟華)做唱作人,但Dee哥好似跌咗榜。」至於他們亦分別角逐個人奬項,其中姜濤和Ian表示平常心,認為MIRROR得到團隊奬是最重要。

近日要同時應付頒獎禮和演唱會綵排,Lokman說:「近排都開始吃力,因為越嚟越近,而且仲砌緊一個好啲嘅rundown。」而MIRROR透露將會在頒獎禮上唱《逾越生死》,C AllStar唱《銀河修理員》,Dear Jane則唱《IGNITED》。

Dear Jane當去玩

問到Dear Jane翻唱MIRROR歌曲,會否有跳舞版?Tim笑說:「哈哈,如果跳呢……我覺得呢個表演要等多一個月,但我有學到佢哋嘅手勢,其實都難嘅,發覺佢哋啲手指都幾靈活。」MIRROR的fans人多勢眾,獻唱時會否感到壓力?Tim續說:「又冇乜喎,大家玩音樂,最緊要玩得開心,氣氛好。」Howie笑指可以孭住結他跳舞。對於他們角逐「年度組合」,當中有勁敵MIRROR,Tim表示暫時未知走勢,Howie笑說:「我哋人丁單薄,不過我覺得好好玩,呢個騷特別之處係畀時間你做演出,唔理你有冇奬,你都可以準備一個演出,所以對我嚟講會當係一個騷咁去玩。」

問到Tim太太楊洛婷是否MIRROR fans?他笑說:「我知老婆周邊嘅朋友好鍾意MIRROR,但老婆有可能都係,可能唔話畀我知,咁我又唔會呷醋,大家唔同類型。」Dear Jane透露5月頭出新歌,亦希望暑假可以開騷,不過提到楊洛婷第二胎的預產期在7月初,Tim恍然大悟:「係喎,BB 7月頭出世,咁梗係要陪老婆。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner