陳嘉倩P牌仔玩命 撞毁鐵欄又險迎頭撞巴士

更新時間 (HKT): 2021.04.14 19:37
(電視截圖)

馬路如虎口,如果遇正個駕駛技術一般般的P牌仔,途人真的要打醒十二分精神,以免飛來橫禍!由新聞主播變成宅男女神的陳嘉倩,半年前考獲車牌,可是道路實戰經驗僅得3次,夾埋不足一個鐘。早前她參與拍攝ViuTV節目《學神出沒注意》,雖然同行有駕駛員Alex傍實,先上屯門公路、再到停車場試泊車,之後再到石澳、赤柱等出名多彎的山路,可是如此「豐富行程」絕對考起揸車經驗尚淺的陳嘉倩,最終不但難逃撞車厄運,還險些和迎頭巴士相撞。揸車的驚到慌失失,看她揸車的網民亦嚇破膽,留言求她千萬不要揸車出街。

昨晚陳嘉倩做嘉賓的《學神出沒注意》播出,陳嘉倩由荃灣揸去屯門,在上屯門公路時,已見車身左搖右擺,在屯門公路期間,陳嘉倩一直以時速38公里龜速慢行,就連旁邊的巴士亦輕易爬她頭。之後她再到室內停車場,可是技術已經半桶水的她,行駛期間竟然分心掛住望側邊快步走的Alex,最後連人帶車撞爛旁邊的鐵欄,聽到撞車巨響後,陳嘉倩才懂得畀反應大嗌。雖然人冇事,但有網民就替「無辜」的鐵欄默哀。

雖然製作組之後有幫陳嘉倩補鐘,急救駕駛技術,不過似乎無補於事,事關Alex帶陳嘉倩去遊車河勝地石澳、赤柱一帶揸車,期間陳嘉倩揸得太貼隔籬線,多次跟對頭車擦車而過,其中一幕更險跟巴士迎頭相撞,Alex立即出手幫她扭軚,兩人在車廂內嚇到嘩嘩聲,雖然同樣有驚無險,但事後陳嘉倩就被網民炮轟,留言「佢基本上轉成個彎都冇望前方,呢個駕駛態度真係嚇死人!」、「咁樣畀佢考到車牌,揸出街真係害死人啊!」、「個牌真係淘返嚟!」亦有人替Alex抹一額汗說:「Alex夠沙pot,敢喺嘉倩仲喺架車上面時整條bumper!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner