李綺雯棄生B寧願領養 將愛留給更需要關心的小朋友

更新時間 (HKT): 2021.04.14 12:24
(IG圖片)

5歲女童疑遭虐待致死案,陪審員昨日裁定生父及繼母均謀殺罪成,李綺雯今日凌晨翻閱新聞,覺得判決相比起女童生前所受的痛苦,簡直微不足道。她憶起當初得知事件時,非常心痛,更擔心是親眼看着妹妹受虐致死的哥哥,將來會怎樣。

李綺雯於IG撰長文表示寧願領養,也不決定生小朋友,「由細到大我已經接觸過好多家庭問題嘅小朋友。嗰刻我已經諗住如果我有能力,我寧願領養呢啲好需要愛嘅小朋友,都唔會諗住自己生。因為已經太多生命受苦,若有能力不如先照顧他們。」她覺得生兒育女並非易事,沒有十足把握照顧下一代,還是不要去生。

抱感恩的心面對孩子來臨

她再指好多人覺得「係我生你出來」,但她認為這不是對仔女的恩典,是父母需要對仔女肩負責任,她再說:「生命唔係人去賜予,而係上天賜畀你。係應該多謝個天畀你小朋友去學習去愛。所以親生同領養都係一樣,好多領養者都唔會以恩主心態去對領養嘅小朋友,而係感激對方來到自己嘅家庭,讓自己可以去愛。」

遺憾未有能力領養

最後她遺憾自己依然未有能力領養小朋友,加上年紀亦接近超過要求,她希望有能力又喜歡小朋友的人,可以從領養這個方向作考慮,「我相信當每個人都有一個有愛嘅童年,社會會少好多悲劇。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner