關宛珊誕7磅幾B仔 老公Patrick Sir:love you and Preemo forever!

更新時間 (HKT): 2021.04.14 17:55

恭喜!恭喜!林溥來(Patrick Sir)和太太關宛珊的小寶貝已經出世喇!Patrick Sir今日在IG出post,宣佈太太昨日誕下兒子Preemo,看見兒子出世後,兩公婆都被感動到眼濕濕,他感謝太太在懷孕期間的付出:「陪住你生嘅時候,拖住你隻手,頭貼頭,嗰一刻覺得你好靚好偉大,你樂天正面嘅態度令我個心好溫暖。雖然我哋已經做父母,但係喺我心目中,你永遠都係我可愛嘅女朋友仔,對你嘅愛唔會有一絲減退。Will love you and Preemo forever! 」

Patrick Sir表示Preemo的中文名叫林若嘉,出世體重有7磅幾,身長50cm,向來鬼馬的Patrick Sir,還以兒子角度寫文訴心聲:「好高興可以喺2021年4月13日平安健康咁嚟到呢個世界,同我嘅爹哋媽咪,仲有各位見面!我喊咗幾聲之後,就可以即刻打開雙眼,仲見到爹哋媽咪兩個都眼濕濕咁望住我同叫我個名添。哈哈,我仲聽到幫我出世嘅醫生同各位助產士都話,我個頭好大,同埋有好多頭髮,仲話我好大嚿添。」他續說:「講個秘密畀大家知,我仲聽到爹哋嘅心聲添,佢話:「感恩天主賞賜一份完美嘅禮物畀我同Kimmy,我哋會好好愛護佢教導佢,令佢快樂成長,培育佢成為一位有愛心、有責任感、有能力嘅人,長大後好好咁貢獻社會,為世界帶嚟正面嘅改變。」

之後還說:「雖然我唔係太聽得明爹哋講乜,但係我知佢同媽咪都好錫我,我仲知道我好快會返屋企,好期待見到爹哋媽咪都好錫嘅Uncle Don Don添!好啦,我肚餓要飲奶奶喇,講住咁多先!Cheers!」其實這對新手父母已經早已做好準備,在入院生B前夕,已經準備好所有初生BB的日用品,避免因疫情而影響健康。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner