姜濤為賺首期樂意接衞生巾廣告 阿Sa自嘲:生得佢出

更新時間 (HKT): 2021.04.14 21:54

ViuTV人氣王姜濤去年至今一口氣接了30多個代言人和廣告在身,被列入新一代廣告「吸金王」,而他更踢走周柏豪和阿Sa代言HPV疫苗,今日他和阿Sa再合體在葵涌為擔任健康大使做宣傳。

已經睇緊樓盤

貴為廣告「吸金王」固然開心,但姜濤透露很多酬勞至今仍未實際落袋,「好多支票都未收到,廣告嘅錢比較遲啲先收到。」笑問會否擔心花姐「落格」?姜濤竟說:「咁又唔會!如果有,花姐就唔會咁窮啦。」早前姜濤在接受陳志雲訪問時,曾透露夢想是希望盡快買樓收租,雖然未收足酬勞,但原來姜濤已經開始睇緊樓盤,以達至一層自住一層收租的理想。

Key樣拍底褲廣告

一向為食的姜濤,透露現時最想接拍美食廣告,可以光明正大狂食,若有錢賺也不介意拍女性衞生巾廣告,最好拉埋MIRROR齊齊上陣。至於萬眾期待的內褲廣告?姜濤即笑說:「Key我個樣得啦,身體可以用Stanley或Alton,用我真身我驚以後乜廣告都冇呀,嚇走晒啲客,我都有自知之明,唔可以盲目對自己有信心。」

姜濤和前輩阿Sa合作開心又緊張,笑說:「但其實根本唔使擔心,我哋分開拍,但我有去探班影相,出道前都有聽Twins嘅歌。」原來姜濤至今仍未真真正正以觀眾身份睇過演唱會,他解釋:「因為屋企冇畀錢我睇,花得最多零用錢係食同買遊戲卡。」而入行後工作忙碌,除了看過隊友Ian在九展演唱會外,未曾當過紅館騷的觀眾,經理人花姐也建議他要多睇騷吸取經驗,他笑說:「我最想睇MIRROR演唱會,但自己要演出,根本冇可能。」

阿Sa激讚靚仔有禮貌

拍攝期間,阿Sa不斷稱讚姜濤好cute,又好搞笑,能有幸和這位樂壇生力軍合作,觸發她青春魅力,阿Sa對姜濤名曲《蒙着嘴說愛你》熟悉,即場哼唱兩句。現年38歲阿Sa拍攝前從助手口中得知姜濤只得21歲,「計咗好耐,我生得佢出。令我好有壓力,第二日即刻狂用機碌面。」阿Sa和姜濤合作後激讚對方,「佢真係好cute又靚仔,幾有禮貌又好乖,唔靚仔點會咁多fans,同埋真人比想像中高。」

疫情打消生B念頭

阿Sa早年已做好雪卵準備生育,今日突然改口,「突然又唔想生,雪咗雖然冇咁大壓力,但疫情令我打消念頭,唔想生bb一出世第一件事係幫佢戴口罩。遲啲再諗,女人好善變,呢刻唔想,第日唔知。」今年Twins會舉行20週年演唱會,阿Sa稱可考慮邀請MIRROR和ERROR來個創新合作,可惜今次不打算請嘉賓,免順得哥情失嫂意,但極度欣賞ERROR肥仔勤力衝勁。

另外,阿Sa去年遭女fans出言恐嚇威脅,又到阿Sa男友石恆聰筆架山道住所做出損毀行為。阿Sa指案件已進入司法程序,不欲多談。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner