方力申桃色緋聞食死貓 自爆遭廣告商棄用被嫌形象差

更新時間 (HKT): 2021.04.15 18:05

方力申今日在將軍澳為TVB宣傳,今次他與DJ Donald合作拍靈異節目,方力申透露自薦合作:「我本身唔睇鬼片,但Donald諗咗個節目,話少爺占唔同佢拍,咁我話搵我啦,等我試下啦。」他形容今次勝在多嘉賓,覺得觀眾會有共鳴。

方力申與陳自瑤(YoYo)一起上阿Bob的節目,他大嘆終於等到機會,因為十多年無機會解釋當年緋聞,今次可以講清楚。他說上節目前,樂易玲有問過怕不怕,他說:「梗係唔驚啦,因為都冇發生過,都不知幾想澄清。」方力申指當時工作面對好多記者,但無人追問過自己:「冇一本雜誌問呢件事,當年咁多雜誌,係得幾個forum仔講。」方力申說當時以為冇人問可以不用答,但最終失去工作機會:「估唔到影響咁大,大到我做啲廣告冇得撈,佢哋話我形象唔好。」他說十幾年前只曾與 YoYo合作拍過一次MV, YoYo做女主角,直至早前節目才終於有機會見到YoYo。

多緋聞的方力申,早前被指接馮盈盈放工,他直認有車馮盈盈:「係呀,佢部車借咗畀親戚,但我都車過麥美恩同我我啲同事。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner