莫文蔚宣佈6月紅館搞巡唱香港尾站 唱埋呢兩場暫別舞台

更新時間 (HKT): 2021.04.16 13:15

莫文蔚(Karen)2018年為紀念出道25周年而舉行《絕色莫文蔚世界巡迴演唱會》,她先後到過世界各地40個城市開騷,原定去年返回尾站香港,但因為爆出疫情,全部演唱會被迫叫停。近日疫情稍為穩定,Karen決定6月11日在紅館舉行兩場最後演唱會。

歌手開騷都會在舞台施展渾身解數,體力透支。Karen經過多年巡唱,她決定香港站將會是最後一次大型演唱會,完騷後會告別大舞台,但這決定不代表退休,只希望在演藝上有新挑戰,Karen說:「我唔係要退休,我永遠都唔會退休,我實在太愛幕前表演,只係對於自己嘅下半場已有其他規劃,希望可以喺香港呢個出發地,為我上半場劃上一個完美嘅句號。」Karen也珍惜站在紅館的最後機會近距離會歌迷,演唱會將於4月19日優先訂票,4月27日公開發售。

Karen去年憑一曲《呼吸有害》,橫掃多個頒獎禮,她的成績被封「大滿貫」,加上一年的裝備,她儲夠能量開騷。她日前拍攝宣傳海報,更食住「大滿貫」構思,換上仿似網球服飾的短裙,擺出打網球抽擊動作,Karen說:「《絕色》演唱會包含住球賽精神嘅概念。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner