李璧琦驚傷心唔敢翻睇智叔舊劇 Send訊息到智叔手機表達哀思

更新時間 (HKT): 2021.04.16 21:58
李璧琦與馬來西亞藝人龔柯允今晚於旺角為電影 《等一個擁抱》謝票。

李璧琦與馬來西亞藝人龔柯允今晚於旺角為電影《等一個擁抱》謝票,二人異口同聲指電影反應很好,有不少粉絲更包場欣賞,她們十分感動,李璧琦說:「我哋走均港九新界謝票,票房都幾好,包場都有幾十場,無論觀眾同行內人睇完都覺得耳目一新,有好大嘅進步,係我哋好大嘅鼓舞。電影亦感染到人,有觀眾會分享返佢哋嘅故事,感動到對方,自己都好感動。」

歌手龔柯允自言在馬來西亞也嘗試過拍電影,不過都是無厘頭戲居多,沒有想過自己真的能夠拍攝如此真情的電影,有如發夢般興奮,更指若票房過千萬,便會請食飯慶祝兼送抱抱:「如果票房過1千萬就搞慶祝會,要攬吓要多謝嘅人。」李璧琦則提議合力煮馬來西亞菜慰勞工作人員。

提到最近播放已故藝人廖啟智的劇集《律政強人》,同樣有份參演的李璧琦表現傷心說:「我都唔敢睇,智叔走咗真係好傷心,希望智叔家人平安度過,我都有send訊息去智叔手機,雖然佢而家睇唔到,但我好想表達我嘅心情,我哋要珍惜身邊人。」而龔柯允亦痛心認識的DJ閆擎突然離世,她說:「收到呢個消息真係好驚訝、傷心,電影插曲《一轉眼》正好形容我複雜心情,因為覺得唔夠時間同人再多啲親近了解。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner