周嘉洛嫌老土唔願做「五虎」 劉丹撐「孫仔」撼贏MIRROR

更新時間 (HKT): 2021.04.16 19:56
周嘉洛與劉丹出場活動,回應「五虎」傳聞。

劉丹(丹爺)與周嘉洛今日於北角出席「樂齡科技設計比賽頒獎禮」,有指TVB打算安排周嘉洛聯同羅天宇、丁子朗、朱敏瀚與余德丞組成「千禧五虎」,周嘉洛不敢認叻自稱是「五貓」,不過丹爺就對《愛‧回家》的「孫仔」好有信心:「我覺得你撼得贏㗎。」

提到被公司力捧,周嘉洛在活動上回應傳聞,指寧願腳踏實地做本份:「呢個真係好傳聞嘅傳聞,我自己都未聽過,我貓嚟之嘛,邊度做到虎。」問到做虎是否怕大壓力?他說:「唔係,我覺得傳聞嘅嘢唔好有任何期望住先,做好自己嘅嘢就得。」有指「五虎」將對撼ViuTV的MIRROR,周嘉洛指聽到一額汗:「如果係真嘅話我覺得係一大挑戰,所以都唔好有任何期望,盡量做好自己係現階段要做嘅。」

MIRROR叫座力高,昨日姜濤、Edan及Anson Lo的食肆宣傳片成功迷到一眾fans,記者問到周嘉洛做好自己時能否撼贏姜濤?他說:「唔係啩?冇可能!」身旁的丹爺即反問他:「點解要睇少自己?」周嘉洛答:「冇嘅,做人唔可以太囂張,做人要內斂啲,如果有人欣賞就多謝畀面,自己講就冇謂。我從來都冇用對撼嘅心態去看待任何對手,我主攻嘅係做戲,最希望同對手擦出火花,做好嘅作品出嚟,自己又可以欣賞吓,大家又睇得開心,所以冇對撼成份。」

有不少網民批評「五虎」構思好out,周嘉洛則說:「都係睇包裝同之後嘅造化,確實有五虎而有啲新穎啲諗法,咁咪可以撇除out嗰樣嘢。叫五貓都幾得意呀、五蠄蟝(蟾蜍)、五檐蛇(壁虎)都好。」丹爺搞笑謂:「我覺得你撼得贏㗎,因為你個頭夠大。」丹爺則睇好周嘉洛:「我不嬲都睇好佢,佢入嚟冇幾耐我已經改咗佢個名做嘉洛哥。」

另外,丹爺指自己對於科技是「盲」的程度,笑言孫女小糯米會嫌他麻煩而不教他,平日也愛跟孫女視像通話,他又指會限制孫女對電子儀器的使用,丹爺指孫女聽話,最喜歡看書,他說:「孫女反而鍾意睇書多,佢daddy買好多書,佢博命睇書,一本又一本,睇嘅係英文書多。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner