譚杏藍急性支氣管炎入院 病榻上享受Me Time

更新時間 (HKT): 2021.04.16 16:24

歌手譚杏藍(小花)正在籌辦拍攝MV,近日工作忙過不停,休息時間不足,她竟不理身體響起警號,繼續捱更抵夜,前日終於病倒入院,在IG上載一張醫院相留言,「放心,我唔係肺炎。由前幾日開始,由普通感冒,一夜之間變成呼吸困難,全個人都有種前所未有奇怪嘅感覺。」

正為MV執導的小花要立刻停工治病,於病榻中休息的她,今日回覆《蘋果》講述病況,小花聲線明顯重鼻音感冒未清,略帶疲累地指,幾日前已開始休息不足,鼻敏感嚴重,加上之前夜晚吹風變成感冒打乞嗤,初時去了睇家庭醫生食藥,後來病情急轉嚴重,「當晚開始發現呼吸困難,我本身有哮喘,用哮喘呼吸器,點知吸極都吸唔到,第二日一早開工後,即刻去醫院睇醫生,當時呼吸每一吓都有聲,感覺到氣管收到好窄好窄,以為氣管敏感,照X光後係支氣管炎,有病菌入氣管再入到支氣管,無奈要放下所有工作。」

小花投入不少心血執導拍攝MV,突然要離隊感到不捨,「我非常緊張個MV,但又冇辦法,人在醫院,惟有遙距話畀副導演聽我要呈現咩效果,到最尾都合乎理想,呢幾日工作要暫停,公司想我好好休息,正在醫院享受Me Time,好耐冇試過了。」

小花入院後除了擔心工作還有另一得着,前日她就留言,「經過呢一覺,係我成個月瞓得最好嘅一次,終於搵返盡力呼吸嘅感覺。今次經驗教訓,凡事唔好去到咁盡(人馬座嘅習性),照顧好自己身體。」接着會靜心休養後才復工。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner