口罩小姐「肥妹」Liz被爆𢯎gel甲贊助 以KOL身份獲退款

更新時間 (HKT): 2021.04.16 21:30

Viu TV舉辦的《最後一屆口罩小姐選舉》總決賽上周日圓滿結束,三甲亦已順利誕生,當中不少佳麗是為增加知名度而參賽,落選29歲的「肥妹」李文潔(Liz)被爆2016年曾報名參加ViuTV選美節目《美選D.n.A》,雖然兩次選美都空手而回,但未有因此打沉Liz入行的決心。

今日有讀者Z小姐向《蘋果》報料,大爆Liz肉酸𢯎贊助:「我朋友舖頭有個優惠係KOL唔需要收錢,僅限於KOL整單色唔使收錢,口罩小姐『肥妹』日前入咗嚟整,店員已經同佢講,如果要延長整款嗰啲要畀番錢,佢畀完錢之後,再上返嚟叫人退錢,佢話『我係KOL點解要畀錢』。」Z小姐大爆Liz日前到一間美甲店整完指甲,事後自稱是KOL要享優惠,不過她揀選的卻是要收費的服務,Liz堅持要美甲店回水,店東怕麻煩最後都退款給她,貪靚的Liz還順勢𢯎整眼睫毛等的其他服務。

Liz整到靚甲後也有在IG story貼出照片,並說:「未試過整指甲整得咁唔開心,sponsor都要收錢,聞所未聞。」事後Liz被截圖後遭質疑:「做KOL係咪全部嘢都唔使畀錢,好想做。」Liz再在IG story留言:「小小誤會已經解決,寶寶心情好多了」,估計是成功得到回水,Liz才心情轉好。

《蘋果》今日聯絡Liz求證事件,她直認有發生此事:「我之前係收過佢哋短訊叫我免費體驗,上到去可能店員唔知我係KOL,以為我係普通客人,整完,我又懵盛盛畀咗錢,我之後有同其他KOL朋友講番係唔使畀錢,我再返去店問番,店員主動退返幾百蚊畀我,真係一場誤會。佢哋都好有誠意同埋好有禮貌同我道歉,所以都唔希望影響到佢哋。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner