阿Yu心痛虐兒至死案受害小孩 提醒囡囡:父母唔一定正常

更新時間 (HKT): 2021.04.16 16:53

趙頌茹(阿Yu)今日於尖沙嘴出席「國際極光藝術展2021以光之名」開幕活動,阿Yu原定前年到冰島睇極光,最後因疫情影響而擱置,她說:「因為疫情所以去唔到,自己都好期待,去睇極光係我人生嘅3大願望,人生必定要睇一次,一定要帶埋啲女。」阿Yu又呻疫情下收入影響大,起碼少了一半收入,所以未來要努力工作,現時主力拍攝美容廣告,不過提到拍劇,她就表示要選擇合心水的劇本才接拍,因為她要以照顧小朋友為重心。

提到日前有父母虐兒至死案被判罪成,身為兩女之母的阿Yu為受害小童大感同情,她說:「真係好慘!新聞一出嚟我已經喊,喺法律上已經得到佢哋應有嘅結果,小朋友好無辜,希望可以提醒大家唔好咁做,小朋友都應該要知道,學識保護自己。」阿Yu又指兩女也知道這新聞:「佢哋聽完即刻扁嘴,我會話畀佢聽唔一定爸爸媽媽係好好同正常,有時人都會受情緒影響,所以要保護自己,大家身邊都有欺凌嘅事件。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner