莫文蔚「絕色」海報成潛力圖 傷兵林日曦金雞獨立被嘲「窒色」

更新時間 (HKT): 2021.04.16 20:58
(網上圖片)

現年50歲嘅莫文蔚(Karen)將於6月11日喺紅館舉行兩場《絕色莫文蔚世界巡迴演唱會》,Karen專登影咗輯靚靚宣傳海報,食住「大滿貫」構思,換上彷似網球服飾嘅短裙,擺出打網球抽擊動作,當然騷埋招牌長腿;之後再電腦加工粉紅襯黃白色的幻彩背景,好有魔法少女系風格,有網民覺得與卡通人物百變小櫻和小忌廉造型十分相似。而呢張宣傳海報亦瞬間成為網民嘅潛力圖,覺得Karen手上拎住嘅咪好似窗刮,又用佢當年經典角色「火雞姐」持雙刀配入圖內,仲加埋幾粒瀨尿牛丸,非常搞鬼。

日前整傷腳嘅林日曦都嚟湊熱鬧,喺Facebook貼上一張金雞獨立嘅單人相,木無表情地將雙手舉高,拎起拐杖,着住拖鞋單腳企,留言:「突然間覺得我同啲同事之間嘅關係都算幾好,尤其係美術部嘅同事,因為如果我話想talk show張海報係咁,佢哋一定會拚死阻止我...好多謝你哋。」網民取笑林日曦:「人哋叫『絕色』,你呢張係咪叫『窒息』。」饒舌歌手MastaMic(馬米)亦在自己的專頁出post:「終於明白做一張好海報嘅重要性。」網民又再惡搞,將2001年以13歲之齡出道嘅張如城凸腩跳躍動作,併埋Karen的海報上,竟然毫無違和感。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner