譚杏藍呼吸困難入院

更新時間 (HKT): 2021.04.16 02:00
■小花原定昨日要拍MV,但因呼吸困難入院要改期。互聯網圖片

歌手譚杏藍(小花)疫下不時貼做運動相派福利,昨日她在Ig貼出留院照片,自爆因呼吸困難入院:「折騰咗一晚,感謝大家關心,放心,我唔係肺炎。前幾日由普通感冒,一夜之間變成呼吸困難,有種前所未有奇怪感覺。以為好似平時哮喘,點知連吸藥都吸唔到落肺。」

小花原定昨日拍MV也要改期,她說:「本來想捱到拍埋MV先至熄機,但身體好似話我知,譚杏藍麻煩你休息。好多晚因為呼吸困難瞓唔到,噚晚入咗醫院,呢一覺係我成個月瞓得最好嘅一次,終於搵返盡力呼吸嘅感覺。今次經驗教訓,凡事唔好去到咁盡,照顧好身體先至可以繼續行落去。」她大呻每年4月都特別黑仔,容易生病,林奕匡和鄧洢玲都留言慰問。

娛聞樂陪你走遍全球追星,即Like「娛果」FB 專頁!
BannerBanner