曾志偉點睇丨小儀撐ERROR玩遊戲出貓爆笑料 網民建議:不如借193去TVB玩綜藝

更新時間 (HKT): 2021.04.17 18:01
(節目截圖)

ERROR成員193(郭嘉駿)最近出晒位,單挑大台高層曾志偉的言論被網民激讚是「娛樂圈清泉」。193最近再發揮搞笑本色,在小儀主持的ViuTV全新遊戲目《考有Feel》擺明出貓,令觀眾睇到笑爆嘴,有網民建議:「不如借193去tvb 玩綜藝!」

ViuTV的facebook專頁今日post了《考有Feel》的精華片段,MIRROR和ERROR各派出隊員試食「風味雪條」,一開始193對戰Jeremy,193試兩啖已極速食出酥皮蛋撻味雪條,自誇:「食到佢有酥皮味呀,直情,嗰隻蛋,同屙佢出嚟嗰隻雞嗰個味添呀!隻雞叫咩名?Jeremy囉!」小儀激讚193是食家。之後輪到Anson Kong對蔡宛珊(Sarika),193再次「通水」給隊友Sarika,一講便講中是皮蛋酥味,Sarika形容:「突然間上天有一把聲音同我講,皮蛋酥呀!好高㗎!」搞到193飄飄然:「我遊戲王嚟架嘛,有幾難?我食得多過佢哋啦,我想講!」

遊戲之後,Jeremy和Anson Kong捉住193對質,小儀質問:「你肯定睇咗。」193起初死口不認:「我冇!」再補充:「有我都唔認!」後來被踢爆一早偷看製作組的道具表,193笑笑口說:「自己黐喺度㗎喎,我影咗張相咋喎。」

小儀:ERROR就係要出貓至好睇呀!

193的出貓行為雖然不值得讚許,但為節目效果,確實能提升氣氛,讓觀眾看得開心,網民留言:「正正經經咁玩,不如去睇學界學術比賽」、「3爺次次出貓,但出親貓嗰round都輸先好笑」、「好耐冇睇一套電視節目,係笑到肚痛」、「強烈要求節目改為1小時」,「193越睇越似森美」、「有茅躉王33出現特別好睇,今集真係笑到痴晒線」,就連小儀都幫口:「好多人問我哋點解畀ERROR狂出貓玩?哎呀,ERROR就係要出貓至好睇呀!係咪先,咁多位!忠告:嗱,遊戲節目嚟嘅,節目最後玩成點都好,大家都係happy吓就算,唔好動真氣!」

反觀,無綫最近重點出擊的《開心大綜藝》,首集大玩新瓶舊酒,由首席創意官王祖藍出戰扮藍太,惡搞特首林鄭,結果遭網民嫌棄:「所謂創意又係扮女人」,通訊局更收250宗投訴,指節目內容低俗或有侮辱成份,難怪更有網民大膽提議:「不如借193去tvb 玩綜藝!」但其他網民堅決反對:「三爺不外借!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner