梁詠琪疫情下童裝生意仍捱得住 考獲糕點文憑為退休鋪路

更新時間 (HKT): 2021.04.17 16:19

梁詠琪(GiGi)今日到中環出席慈善活動,與創作是次活動主題曲的小女孩許淨雯合唱。已有10個月沒有現身公開活動的GiGi,這段時間忙於湊女和學整蛋糕,更考獲法式糕點烹飪文憑,笑稱為退休鋪路。

問到會否開糕點生意?GiGi說:「本身我有童裝生意,喺疫情期間,覺得做生意係唔容易,要好有毅力同恆心。」GiGi透露幸好童裝生意暫時仍守得下去,沒有裁員,所以沒打算搞糕點生意,她說:「我都係為家人而整,邊個生日就整生日蛋糕,或者有時朝早整吓麵包。」

GiGi笑指6歲大的女兒Sofia平時愛唱歌跳舞,睡到朦朦朧朧之際會哼起歌來,GiGi笑說:「我會錄咗佢,不過佢冇明星夢,因為佢覺得媽咪好辛苦,成日要周圍飛,但係如果將來有做善事嘅機會,可能都會借佢啲歌用,仲慳返啲版權稅。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner