梁芷珮不擔心病毒變種 照帶仔女開工

更新時間 (HKT): 2021.04.17 18:23

梁芷珮今日攜同老公Kenneth、二仔和細女在金鐘出席環保活動,她指受疫情影響,小朋友減少很多戶外活動,她說:「由朝到晚喺屋企上zoom,不如帶佢哋出嚟見識下。」提到變種病毒殺入社區,梁芷珮表示「冇得驚」,只能保護好自己的身體。

對於她與老公「夫妻檔」拍攝自家製作的旅遊節目,然後在無綫放映,但因疫情不能到外地,她就轉移目標,「好幸運,啱啱開新節目,介紹香港餐廳,亦會加插親子內容,所以二仔和細女都會出鏡,不過大仔仲有一年入大學,佢要努力讀書,所以唔搞佢喇!」

囡囡髮尾繼續兩截色

梁芷珮經常和子女密密接拍廣告,並將所有酬勞放入教育基金,可是,早前她帶囡囡Kasey到髮型屋染頭髮,事後將短片放上網,被網民轟她不應讓小朋友使用染髮劑,事關染髮劑有化學成分。事後梁芷珮解釋指囡囡的頭髮已經長到落腰,所以只是將原本想剪的髮尾挑一些作highlight,並非成頭染,而且沒有染髮根,不過網民仍不收貨。觀乎今日所見,梁芷珮囡囡的髮尾依然是深淺兩截色,現時學校已復課,學生返學估計不能染髮,相信梁芷珮都要忍痛帶囡囡剪髮。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner