傷十字韌帶廢武功

更新時間 (HKT): 2021.04.17 02:00
■徐忠信當年意外受傷,令他「廢咗武功」不能再做武指。

在影圈打滾多年的徐忠信透露,電影武行中最賺錢的,莫過於做替身︰「因為計雙工,仲要睇吓乜嘢動作,如果好危險嘅動作,就要傾價錢。」惟一次意外令他飲恨,提起更不無欷歔︰「嗰次幫鄭少秋做替身拍無綫劇《決戰皇城》,原本拍好都已經OK,導演話不如嚟多個轉身落地。咁就出事,再跳人就落咗榻榻米,隻腳跌咗出去,扭斷咗十字韌帶廢咗武功。啲醫藥費幾萬蚊都係無綫畀,嗰時唔識賠償金,唔係可能𠵱家唔使咁惆悵。」

自從那一次後,徐忠信沒有再做替身,只靠把口做武指,之後同李連杰合作《黃飛鴻之鐵雞鬥蜈蚣》,飾演「笑面虎」笑裏藏刀,跟李連杰的對打更是代表作,不過徐忠信指片中不少動作,都要由替身代勞。

娛聞樂陪你走遍全球追星,即Like「娛果」FB 專頁!
BannerBanner