周柏豪擔任《星夢》導師自曝其短 網民譏笑:歌都未識唱學人做評審

更新時間 (HKT): 2021.04.18 19:19

ViuTV《全民造星》打殘TVB綜藝節目,更成功捧紅了姜濤和MIRROR,最近193人氣飆升帶挈ERROR都上位,而TVB照辦煮碗推出的歌唱選秀節目《聲夢傳奇》,參賽者不但唔識李克勤和姜濤,連擔任導師的「藍神」周柏豪,在昨晚播出的一集更自曝其短,承認跟張敬軒合唱《櫻花樹下》時曾被難倒。

昨晚柏豪在節目上跟參賽者分享經驗,自爆:「呢首歌曾經都難倒過我,當時合唱嘅時候,軒仔叫我將難唱嘅畀晒佢唱,因為首歌係屬於佢。佢話嚟係減輕我壓力,但係結果反而增加咗我唔少壓力。」身為導師的周柏豪,遭網民揶揄:「歌都未識唱學人做評審」、「教人唱歌要將難唱嘅部分交返畀人唱」、「應該係練極都唱唔到」、「導師?佢教參賽者襯衫同新春袋?」

2013年周柏豪在音樂會上與軒仔合唱《櫻花樹下》,當年柏豪甫開口唱首句歌詞「樹蔭有一隻蟬」時,明顯比原曲音調低幾個Key,兩人合唱片段放上YouTube,已被網民笑足幾年:「好彩k房有呢個版本,可以令我唱櫻花樹下,因為我無可能唱到軒仔咁好聽,但我可以唱到大文豪咁L難聽。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner