無綫推68歲盧宛茵扮「米蘭」觀眾唔識笑 網民:得個嘈字

更新時間 (HKT): 2021.04.18 22:53

無綫近年遭ViuTV乘勝追擊,重整旗鼓後推出直播節目《開心大綜藝》對撼,首集王祖藍惡搞特首林鄭扮藍太,惹來一身蟻,通訊事務管理局共接獲250宗投訴。今晚兩台再度正面交鋒,ViuTV首個音樂頒獎禮《Chill Club推介榜 年度推介20/21》,無綫立即變陣播2小時加長版,但似乎是「臨急抱佛腳」,宣傳片推出後連公關都不知情,節目表至昨日也沒有更新,經傳媒再三追問下才落實消息,而發放予傳媒的流程表上,前所未有一半表演項目為待定,反映公關部與製作部欠缺溝通,未開戰已陣腳大亂。

全晚高潮派錢

兩個鐘頭節目,可謂悶場連連,第一個環節便是宣傳由曾志偉集資的抗疫電影《總是有愛在隔離》,最紅的張智霖出場一陣便無影。之後由一班TVB藝人繼續「扮嘢扮嘢又扮嘢」,但今次不敢再扮政府高官,只是玩自己人,由C君扮「方東降」主持《沉人記》,緊接環節又叫「記」,改少少叫《尋星記》,連1974年由黃百鳴主演、周潤發做家丁的《民間傳奇之醉打金枝》的陳年舊片都要出籠。

之後的《扮嘢哲學》就找來一班上年紀演員玩人物模仿,49歲江美儀和68歲盧宛茵分別扮「莫文藝」和「米蘭」,二人獻唱慢歌,雖然好賣力,江美儀還扮最近熱話的莫文蔚海報單腳企Post,但鏡頭一轉,見觀眾悶到完全畀唔到反應,反而主持興奮狂笑。阿Bob扮爵富城凸肚腩出場,被指似阿叻,評判之一的方力申取笑:「家庭觀眾竟然睇完着爵城唔轉台。」而現場反應最high,應該是阮兆祥扮大龍生環節,走入觀眾席派禮券兼派錢,成為全晚高潮。

敖嘉年跳大媽舞好尷尬

原來「待定」環節,是請來新劇《智能愛人》和《欺詐劇團》的李佳芯和敖嘉年領軍玩遊戲,馮盈盈、陸浩明、麥明恩等主持又要入隊一齊玩,有儲夠人數湊熱鬧之嫌。其中敖嘉年帶領同劇演員騎呢跳舞,被森美取笑是幾年前的大媽舞,陸浩明即說:「好尷尬,好配合我哋style」,叫他們停止再跳,別令氣氛更尷尬。

網民對節目彈多於讚:「播2個鐘垃圾」、「應該拎勁歌金曲2小時撼隔離台會收視好過呢套」、「已轉台」、「得個嘈字」、「今次扮自己台嘅人應該唔會收投訴啩?」等負評。節目出街前,主持之一的森美接受訪問,認為黃金時間電視台推皇牌節目屬正常,至於節目延長至兩小時,森美則不知情:「我唔知,真係要到時睇吓,做藝人冇統計做幾長時間,做完先算,時間安排理唔到咁多。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner