陳庭欣貼素顏紋眉短片被取笑女生男相 拼陳煒即撞樣

更新時間 (HKT): 2021.04.18 13:48
IG圖片

陳庭欣(Toby)經常發生撞樣事件,最搞笑一次是她貼出跟表弟合照,卻被網民認錯是吳若希跟老公,完全認錯。Toby近日在抖音拍紋眉短片,素顏出鏡的她被網民狠批,狂嘲她女生男相,「素顏差好遠」、「出道個樣唔係咁」、「唔睇名完全估唔到係邊個」、「紋咗眉反而唔好睇」兼「完全兩個樣」,EQ甚高的Toby並不介意這些負評,她今日回覆傳媒時說:「女生男相都幾好呀,切合返我之前《踩過界》入面嘅角色。」Toby表示自己喜歡戶外運動,自問從來不是白滑肌膚類型,她謂:「我時常曬太陽,陽光黑!」對於網民批評Toby的素顏樣,可會打擊她日後不敢再貼出此類相?她坦言:「唔會。」

Toby素顏被指跟陳煒撞樣,Toby續說:「哈哈哈!我以為我只係同吳若希似樣。第一次聽同煒哥撞樣,原來我瞓喺度影相似佢,幾好呀!嚟緊我哋開同一套劇《雙生陌生人》,又係講似樣嘅人,咁可能可以請監製幫我加啲戲份,同煒哥有對手戲就好啦!」

Toby與擁10億身家的彩豐行老闆楊振源(Benny)拍拖3年多,二人感情穩定,近日還傳出Toby入住男友月租10萬九肚山3000呎豪宅,等嫁入豪門,Toby說:「未嫁住,其他私人事都唔回應啦,謝謝!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner