ViuTV頒獎禮丨193聽到大台組「千禧五虎」直言:而家仲用五虎呢啲字咁娘咩?

更新時間 (HKT): 2021.04.18 20:24

ERROR今晚3缺1現身ViuTV頒獎禮,保錡自上次被雪凍抬出亮相後,再度消失。3子悉心打扮現身,有份選「Chill Club年度唱作歌手」的Dee以華爾街狼人造型亮相,他表示希望成功得獎令到花姐着低胸衫,他講笑說:「由《花姐ERROR遊》開始已經嘗試偷睇。」不過身旁193反駁:「嘩!你咋喎,唔好話埋我哋喎。」令Dee措手不及:「喂,對戲嗰時唔係咁講㗎喎!」

上星期日193反駁曾志偉,上神台變成「三爺」,193說:「我想叫返我三哥,希望可以有吓代言。」其IG followers更暴升至17萬,他多謝支持者說:「好開心呀,多咗人睇返我哋節目,頭10個節目有8個係我哋,製作組博命做節目,以前冇人睇有啲失望,而家多人睇返好開心,連《肥仔大冒險》都瘋傳返,希望大家繼續支持ERROR。」又自認是清泉,說:「我一向都係清泉,我係處男嚟,但都鍾意食鮑魚。」上次談及志偉的訪問後,193承認花姐有找他傾談,他說:「佢話資料性冇錯,但可以禮貌啲。我有問佢會唔會無禮貌?因為我唔係想用『老嘢』呢個字,我係想話老一輩,不過衝口而出,但anyway,講咗就講咗。」

另外有傳TVB組成「千禧五虎」打對台,肥仔說:「我哋得4個人咋喎!」這時193又衝口而出:「而家仲用五虎呢啲字咁娘咩?」身旁的Dee即說:「嘩又嚟!」他們指可以將ERROR改名叫四隻白虎或者神獸,問到見到志偉會say hi或唔好意思?193說:「會呀會呀,我唔係針對任何人,我對件事講,都係數據上嘅嘢,冇講志偉哥任何一句嘢,我不嬲好尊重前輩。」

鄭欣宜有份候選「Chill Club年度女歌手」,抱着興奮心情參與有現場觀眾的實體頒獎禮,她坦言悉心打扮出席ViuTV頒獎禮,她說:「有一樣嘢好興奮,頭先後台換衫前想去廁所先,要排隊,但我化妝整頭忍咗好耐,之後發現旁邊間房有個廁所,我諗住借廁所,去完出嚟先知係MIRROR用嘅房,勁尷尬,好彩我斯文去冇發聲,見到佢哋,我只係望落地下就走,但感覺好開心。」

之前跟Anson Lo合作,2人要做同一樣動作,欣宜說:「我同導演講話我啱啱做完盲腸心術,唔可以太大動作,點知喺屏幕見到佢好大動作,我就照做,出嚟效果非常好,不過我係有整親,但係冇事。」談到再次見到不同唱片公司歌手聚首一堂,她指見到好多好朋友,還會跟3位不同公司歌手朋友合作。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner