ViuTV頒獎禮丨林家謙贏男金兼年度歌曲橫掃6獎 姜濤飲恨攞男歌手銀獎

更新時間 (HKT): 2021.04.18 22:47

ViuTV首個樂壇頒獎禮《Chill Club推介榜 年度推介20/21》今晚在九展舉行,林家謙狂掃6獎成大贏家,憑《一人之境》橫掃「年度之歌」、「年度十大歌曲」,還撼低姜濤奪得「年度男歌手」金獎,威盡樂壇。

「年度男歌手」金獎是林家謙、銀獎姜濤、銅獎陳卓賢,林家謙在總票數81,346中,憑21,165票奪獎,他說:「好開心,但背後憂心一萬倍,唱歌唔係我主要,我作曲咋,將焦點放喺我音樂就得,我做音樂。」他多謝合作過的音樂人包括林夕、黃偉文。而大熱姜濤飲恨獲銀獎,他上台多謝「姜糖」:「今次我唔會O嘴,我由出道到而家,離唔開fans幫助,多謝香港人,相信我哋呢班後生仔,會變成亞洲第一。」

MIRROR成績斐然,今晚各成員共奪8獎,包括「年度組合」金獎和一首金曲,陳卓賢獲「年度男歌手」銅獎,Jer 柳應廷獲「年度新人獎」,而在十首金曲中佔4首,包括MIRROR《IGNITED》、姜濤《愛情簽證申請》、Jer 柳應廷《迴光物語》及Anson Kong 、Ian Chan(陳卓賢)合唱版《蝸牛》。

「年度女歌手」金獎林二汶、銀獎Serrini、銅獎Gin Lee。女歌手總投票 77,528,二汶得票15,558,她在台上說:「多謝天上師尊、多謝ViuTV畀我試咗好多唔同崗位,令觀眾同樂迷見到我多方面唔同一面。」一向鬼馬的Serrini手執獎座後,笑指要正經一點,跟着講出傳統感謝詞多謝公司、幕後及歌迷。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner