ViuTV頒獎禮丨許廷鏗《無力感》奪金曲致謝「鍾意呢個平台尊重音樂」 泳兒激動落淚

更新時間 (HKT): 2021.04.18 20:50

ViuTV首個樂壇頒獎禮今晚舉行,主持駱振偉指入場觀眾有1500位,獎項由一人一票投選出來,他強調投票的重要性,「如果獎項同心水有出入,希望大家明白呢個係民意選擇,競賽第二,音樂第一。」

第一個頒發的獎項是「Chill Club年度十大歌曲」,ViuTV再次反轉傳統搞新意思,安排由樂迷頒獎給得獎歌手,第一首金曲得主是許廷鏗《無力感》奪得,負責頒獎的嘉賓是平時扮演soundbear的同事「肥bear」。

由於疫情反覆,大會採取最安全頒獎方法,自己獎自己攞,許廷鏗上台說:「多謝ViuTV,自己入咗嚟玩好鍾意呢個平台,因為尊重音樂本質,多謝投票支持呢隻歌嘅朋友,上網睇有唔係我嘅歌迷,但鍾意呢隻歌投咗票,過去20同21年,可能大家感受好多無力感,就算唔知明日點,大家堅持,相信可以。」而剛約滿華納的他,卻沒有多謝舊公司。

第二首得獎歌同樣由樂迷宣佈,由陳凱詠《天生二品》奪得,她興奮多謝ViuTV、Chill Club、《天生二品》團隊、環球唱片、父母、妝頭衫。不過ViuTV未有安排得獎者唱出得獎歌,兩人得獎後,由泳兒等女歌手唱出不同編曲的《活着viva》。

而泳兒就憑《溝渠暢泳》奪第5首金曲,泳兒激動落淚:「呢個平台畀咗好多機會我唱歌,有段時間自己好似首歌跌咗落溝渠,呢台平台我上咗幾次,好珍惜唱歌機會。」台下工作人員打手勢催促,泳兒說:「未講完,最緊要我冇論喺乜逆境,多謝畀機會我嘅人,唱呢隻歌冇諗過有任何收獲,只係想分享畀朋友,多謝你哋仍然肯聽我唱歌,多謝投票畀我嘅朋友。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner