馬浚偉做無綫藝員訓練班校長 再傳入主港台電視部

更新時間 (HKT): 2021.04.18 17:32
FB圖

49歲的馬浚偉熱愛工作,他可以分身有術,除了兼顧自己的演藝工作、教育事業培訓年輕人,他近日又答應樂易玲邀請返娘家無綫做藝員訓練班校長,近日又有報道指馬仔將會出任香港電台高層,負責看管電視部,港台給他一隊獨立製作團隊,讓他全權製作新節目。港台中文台台長何重恩近日又在facebook貼出跟馬仔見面照片,兩人一手遞交文件,一手互握,似是為合作而作出承諾,令傳聞更添可信性。

馬仔到底是否又去港台做高層?他今日接受《蘋果》電話訪問時說:「又入主?我到底入得幾多個台?哈哈!到底我參選入立法會定入電視台好呢?我認真諗諗先(講吓笑)!不過認真,我覺得香港電台電視部過去其實真係有好多好睇,又好有意義嘅節目,我自己都有追看!另外我覺得,在香港多一個電視台點都係好事,希望佢哋可以努力,再做多啲好節目出來。」馬仔早前跟港台中文台台長何重恩見面,馬仔回答:「係會有一些合作。」至於是電視節目抑或開咪電台節目,馬仔賣關子:「暫時講住咁多啦!」

此外,馬仔已答應樂易玲返無綫擔任藝員訓練班的校長,他對一切計劃信心十足,並透露5月底開課的新一屆藝訓班已獲逾千人報名,他主要負責管理和設計課程,也會兼任教職和安排專業導師,令學員得到專業培訓。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner