王祖藍宣佈永久離開《開心大綜藝》 有意找曹永廉主持新一輯《後生仔傾吓偈》

更新時間 (HKT): 2021.04.18 23:13

今晚《開心大綜藝》內容悶場,直至節目尾聲,劇組竟以自踩形式玩《公關災難頒獎禮》,呼應上星期節目推出後,負評四起聲音,當中特設了一個「最災難藝人獎」,由毫無創意的創意官王祖藍獲得。

王祖藍未能現身攞獎,預先拍片分享,他在片段中說:「上星期製造咗一個好大嘅關公災難,所以我打算自我隔離,繼續食返我當年獎門人贏返嚟未食嘅花之戀壽司,好好思考我哋節目方向。有好多網民話我哋做返當年福祿壽,我哋要深切反省。我唔應該叫陸永上台,我應該叫李思捷返嚟,李思捷對唔住,我哋嘅副總經理(曾志偉)亦責無旁貸,佢冇講過蘇永康同曹永廉係年青人偶像,但經網民改圖,一言驚醒夢中人,我哋會搵佢兩個返嚟聯同另外兩位年青偶像,胡楓同羅蘭姐主持新一輯《後生仔傾吓偈》,探討年青人話題,睇到大家嘅意見之後啟發我開新節目《廁所辦大事》,深入探討馬桶文化,繼續研究充份發揮抽水功能,喺度決定永久離開《開心大綜藝》呢個舞台,衷心多謝台前幕後,兄弟姊妹們,希望你哋越做越好,我希望你哋永遠懷念我。」

另一幕則取材自台慶頒獎禮上,王浩信和陳自瑤夫妻不和一幕,話說Bob林盛斌因上集節目中一句「食屎啦」,為他帶來金獎,他攞獎時向太太致辭,「好多謝Pearl,令我可以努力做嘢,有佢照顧屋企。」其時Bob嫂演技上身,目光兇狠完全冇喜悅反應,嚇得Bob叫導演轉一轉鏡頭,連麥美恩事後都笑指:「要唔要頒返個獎畀Bob嫂。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner