鄭嘉穎夫婦掛住傾 
大仔幾乎跌落水

更新時間 (HKT): 2021.04.18 02:00

【維園】鄭嘉穎和陳凱琳(Grace)結婚三年育有兩名兒子,分別是兩歲大仔鄭承悅(Rafael)及八個月細仔鄭承亮(Yannick)。自組織家庭為人父母後,嘉穎和Grace均盡量爭取時間享受天倫樂,由於工作受到疫情影響,嘉穎近年大部份時間均留港陪伴妻兒。日前接近黃昏時間,二人帶大仔Rafael到維園玩,其間跳跳扎的Rafael幾乎跌落水,認真牙煙。

輪流照顧

當日除了嘉穎夫婦,同行還有Grace的一位女性朋友及一對父子朋友,四大兩小現身維園模型船池區,眾人悠然自得,Grace跟朋友聊天,嘉穎父子則在池邊觀看遙控船。Rafael表現十分活潑,把玩着手上的一支棒仔,並企圖想潑玩池水,嘉穎望少一眼,Rafael已經爬上池邊石壆,距離池邊只有一步距離,池中的遙控船速度又快,走近實在有被撞的危險,幸好嘉穎警覺性高,立即把Rafael抱起,將他抱回正坐在長凳跟朋友聊天的Grace身邊,夫婦二人輪流照顧囝囝。

嘉穎在池邊聊天,Grace其後陪伴坐不定的Rafael到池邊玩水,她一邊和朋友聊天,一邊捉實正趴在石壆玩水的囝囝衫尾,以防他跌入水池。之後同行的小男孩忽然跳上石壆,Grace一隻手箍實小朋友,另一隻手捉實Rafael,顯得有點手忙腳亂。其間嘉穎拖着站在石壆上的Rafael,想伸手潑水的Rafael差點失平衡跌倒,幸好Grace眼明手快,將他捉實。

拍照留念

過了一會,Grace和女性朋友擁抱道別,之後她拿出手機為嘉穎父子和男友人父子影合照留念。夫婦二人跟朋友道別後,嘉穎推着BB車,一家三口離開維園,往炮台山方向離去。嘉穎推BB車先行,Grace走到兩間商舖購物後再快步追回老公,一齊返回寓所。

娛聞樂陪你走遍全球追星,即Like「娛果」FB 專頁!
BannerBanner