ViuTV頒獎禮丨林家謙嘆成大贏家壓力增加:我真係會縮返去做幕後

更新時間 (HKT): 2021.04.19 00:12

唱作人林家謙在ViuTV首個樂壇頒獎禮《Chill Club推介榜 年度推介20/21》成為個人大贏家,包括兩個大獎男金及《一人之境》年度歌。

林家謙在台上又說希望樂迷可以專注自己音樂作品,頒獎禮後他接受訪問,大嘆頒獎禮令他好緊張、有壓力,非常不習慣「老是常出現」,他說:「真係好怕自己成日出現,自己都偏向低調同內向。」又透露因為頒獎禮壓力大,導致爆瘡同肚屙。林家謙指壓力來源來自大眾評價:「好多人討論你值唔值得拎,或者講嘢講得好唔好,有好多唔同解讀,我好怕呢啲。」

這次成為大贏家,林家謙說未預期過拿下男金:「唔知有分金銀銅,如果係得一個獎,覺得未必係我,會諗係唱作大機會啲。」他形容自己與男歌手獎還有好大距離:「男歌手獎係唱歌上幾大嘅認可,我一路都幾否定自己唱歌嘅能力,但都尊重每一位投票嘅樂迷投票,多謝。」但得到肯定反而令他害怕:「如果真係有太多討論,我真係會縮,會想返去做幕後。初入行時冇諗過做幕前,只係想唱返自己嘅歌,畀啲機會自己試吓,唔係話有做歌手咁大目標。」現時最想回家沖涼瞓覺休息。

他又指台上木無表情,與肚屙無關:「我唱歌都木獨,其實依家我笑緊,但有口罩、我又唔識單憑眼笑。」並除口罩展示自己笑容。

今次得到樂迷支持,但他說未有膽量開騷:「我想回饋做返多啲幕後工作,開騷對我嚟講能力上未夠應付一個騷,好多關口要過,而且我都未夠歌,未必係今年或者明年嘅事。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner