何雁詩絞腦汁谷新碟銷量 願獻吻給「大客仔」

更新時間 (HKT): 2021.04.19 16:03
(IG圖片)

近日推出新專輯的何雁詩,今日到新城電台宣傳,遲到的她十分狼狽,她急忙解釋說:「出門口時好亂,漏咗帶簽名碟去電台,要返轉頭拎,叫阿Fred(老公鄭俊弘)拎畀我,加上自己揸車又迷路。」並笑稱之前大壓力仍未回魂。

何雁詩最近頻為新碟宣傳,上周六在街頭舉行busking,獲好友陳瀅、蔡思貝撐場,她說:「上次喺九龍唱,之後希望過香港,不過驚嘈到啲居民。平時出碟可以做店長宣傳,但疫情下冇呢個機會,都想做啲嘢唔危害別人,又可以達到宣傳效果。」可以拉一班好姊妹幫手宣傳?何雁詩竟笑指冇咁多人情牌,要留下次出歌用。

何雁詩又透露自己很緊張銷量,當她知道成績暫時比想像中好,感到心滿意足。而且身邊好友紛紛支持,出錢出力買碟,暫時最高紀錄一人買10隻,何雁詩開出盤口,若打破紀錄者可以送上唱片海報。當被取笑指她出手低時,她說:「女仔可以考慮送吻,男仔只可握手,得我老公可以送吻,佢上次嚟我都係同佢握手,恭喜佢買到我隻碟。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner