ViuTV頒獎禮丨許廷鏗傳推掉聲夢導師換獎 認星夢有洽談:邊有得咁換

更新時間 (HKT): 2021.04.19 11:45

許廷鏗擔任《全民造星III》時被網民封為最佳評判,於昨晚ViuTV首個音樂頒獎禮上,憑《無力感》奪得「Chill Club年度十大歌曲」獎之一,事前被視為奪男歌手獎大熱門,最終他卻大熱倒灶,問到有否感到失望?他斷言:「黐線啦,我唔係(大熱)!坦白講,我開心見到好多唔同單位得到獎項,新舊歌手打成一片,我同陳柏宇、Jay Fung、小肥玩嗰Part Medley,初頭我都覺得頒獎禮應該莊重啲,但係好睇係要一齊去玩。今次(頒獎禮)冇咗一個年代間距,大家都期待樂壇唔好再青黃不接,今日就體現到呢件事。」

事前被指是男歌手獎大熱,問到會否有期望奪得男歌手獎?他說:「我係想唱歌多啲,今日都有呢個機會。」他指今次頒獎禮特別之處是在年中舉辦,他希望下年年中又繼續舉辦,其間他會去涉獵不同音樂,如果下年能夠再上台,就證明歌曲得到支持。他再強調沒有一絲失落感,反而是享受整個頒獎禮的過程。

傳推掉聲夢導師換獎

對於有傳他推掉聲夢導師邀請,到ViuTV頒獎禮換獎,許廷鏗聞言後哈哈大笑說:「邊有得咁換!」他重申在台上一番說話:「只要尊重音樂質素,需要我嘅地方都會出現,而唔係冇咗啲咩可能性,但係講換獎,呢個年頭邊有換獎呢啲嘢。」當追問到大台有否跟他洽談擔任聲夢導師,他說:「有傾過,好早期,當時我同舊公司仲有合約,不過中間有啲轉折時間,但遲啲可能會做唔出奇。」問到會否擔心大台誤會他?許廷鏗笑言:「邊有咁多誤會。」

今次他是以「自由身」身份出席ViuTV頒獎禮,當有傳他會重返星夢?他無奈地問:「又邊到傳出嚟!咁惟有繼續傳啦……本身係冇斷過接觸,我同過去每一間唱片公司都係友好關係。」他承認有跟星夢傾談過,但自己並沒查問對方是否有意想簽回自己,他表示過去幾年本身已經有合作的團隊,之前跟華納是以公司形式合作,所以在工作上沒太大擔心,反而叫大家期待他的新作品。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner