熊黛林大陸趕戲未能同孖女度3歲生日 發封肚宣言:兩個已好幸福

更新時間 (HKT): 2021.04.19 14:02

熊黛林(Lynn)2016年下嫁郭可頌後誕下孖女Kaylor與Lyvia,一家四口幸福美滿。今天是孖女的3歲生日,Lynn一如既往,在IG發放了7張囡囡的相片,並留言:「孖寶3歲了!」Lynn一對寶貝穿上一模一樣的服裝,兩個造型分別是粉紅色外套、黑色裙仔與紫色工人褲裝,一靜一動,她們拿着氣球、咀嘴兼蹦蹦跳,十分可愛!看照片可見大孖Kaylor斯文,愛擺甫士;細孖Lyvia則較活躍,喜歡跳來跳去。

原來Lynn目前在大陸拍戲,她今天接受《蘋果》訪問說:「因為返咗大陸拍戲,所以唔能夠同佢哋一齊過,其實好遺憾嘅,不過要畀佢哋知道,每一個人都要做嘢、搵到自己嘅價值,等佢哋知道爸爸媽媽都要努力工作,對佢哋嚟講都係一個好好嘅榜樣,今日佢哋去咗海洋公園玩,夜晚就切蛋糕,而家玩得好開心。」Lynn又感慨說:「睇到佢哋咁快長大,都唔捨得佢哋大得咁快,因為而家佢哋真係好好玩,希望佢哋健康、好快樂咁成長。」一對女兒快入讀K1,有指兩女入讀的是她最心儀的幼稚園、被譽為「幼稚園界哈佛」的寶山幼兒園,問Lynn會否感到不捨?她說:「不過我就好想佢哋可以快啲返幼稚園,可以學多啲嘢,同埋冇咁悶,始終疫情呢一年幾,佢哋都學少咗好多嘢。」女兒漸漸長大,Lynn表示工作也沒有因此而加多或減少,只要有適合的工作便會去做。而去年剛踏入40歲的Lynn狀態大勇,不時在社交網貼出健身照,大晒馬甲線身材,問她會否想追多個男B?她堅定地說:「冇計劃!兩個已經好足夠、好滿足好幸福,唔需要再多。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner