ViuTV頒獎禮丨MIRROR大豐收 阿Jer就範下周找數萬歲 Ian冇提女友Amy:多謝身邊支持我嘅人!

更新時間 (HKT): 2021.04.19 00:55

ViuTV首個樂壇頒獎禮,一如預料MIRROR有不少獎項落袋,包括隊歌《IGNITED》,個人獎亦大豐收,阿Jer、姜濤、Ian都有獎。

頒獎禮後齊人受訪,Lokman說今日特別驚喜:「金曲拎第二同組合金獎,心情真係……波動得好大!」他說每次上台都忘記謝詞,落到台又忘記講了甚麼,耍冧說;「如果講漏真係多多包涵,多謝多謝多謝。」

Ian今次得到年度男歌手銅獎,他說沒有想像會得獎:「Lokman話唔記得咗要講咩,我係直情冇準備過,所以上到去我真係一片空白。到開始有返意識,就見到台下舉3隻手指,以為得返3秒,咁我開始收聲,但原來係仲有30秒,輸晒經驗。」他補充說要多謝返幫過手的朋友及fans,記者提醒未多謝女朋友Amy,他興奮說:「多謝身邊支持我嘅人!」他承認今次成績出乎意料,又說:「前排經歷過一啲嘢,今次係一個好好嘅強心針。」

姜濤在台上重提1.1得獎時的O嘴樣,受訪時他說好在戴了口罩:「但O嘴嗰樣真係太難睇,希望以後唔好再O嘴。」他形容今日表情是「有啲驚」。至於外間一直猜測姜濤可以拿下男金,他說:「呢個係對自己嘅期望。但林家謙係一個好厲害嘅人,我冇諗過自己拎金,銀都冇諗過,但Ian拎多過我自己拎,佢一直以嚟都好努力,多謝大家睇到。」

Anson Kong上次1.1失落新人獎,今次終於上頒獎台,他說上次之後改變了心態:「上次之後對獎項冇乜想像,所以我今日係驚喜,好開心可以同Ian一齊拎。但我好大頭蝦,冇多謝製作團隊。」Tiger表示要排好演唱會,想交出一個完美的演出報答fans。

獲得年度新人獎的Jer,就再次呼籲樂迷支持廣東歌:「今年係好開心,除咗我哋拎好多獎,仲見到好多新人,同埋有好多合作嘅表演,樂壇百花齊放,希望大家聽多啲廣東歌同本地頒獎禮。」隊友叫他請食飯,一輪起哄之後,他終於就範:「下星期啦唔好煩喇!」另外有傳Jeremy今年單獨出歌,他說不心急:「MIRROR成績好,我成績咪好囉。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner