做陳展鵬師妹丨龔柯允獲《造星III》Odi引薦泊新碼頭 淚灑加盟儀式

更新時間 (HKT): 2021.04.19 22:04

參加《全民造星III》、有「馬拉Karen」之稱的龔柯允,近日轉投新公司,並在今晚於九展進行加盟儀式。她獲師兄海浚傑、BOP天堂鳥成員葉灝基(Gordon)和許俊豪(Lincoln)送上結他迎新。席上Karen講到有幸加盟新公司,吐露追夢唔簡單,有很多盼望,她更感觸落淚。

Karen提到今次加盟,是受《造星III》的另一參賽者陳康琪(Odilia)的影響,她也有問對方意見:「玩比賽時我同Odi一齊,喺佢身上睇到公司啲人成日陪住佢哋又好照顧,就八卦吓佢哋公司係點,又同我音樂理念好相似,於是開始傾合作。現時公司畀好多自由度我,可以繼續經營我YouTube Channel介紹馬來西亞,又可以創作,之前咩都係一人單打獨鬥。」

冀與好友互相學習

提到Odilia屬組合Bingo成員,而Karen與另一成員關嘉敏(Carman)亦相熟,問到Karen可會考慮加入組合,Karen笑說:「都可以,但我怕拉低佢哋兩個(水平),我哋可以互相學習,佢哋教我跳舞,我教佢哋唱歌。」Karen否認自己的加盟是爭做一姐:「我哋都唔同方向,佢哋係偶像派,我係音樂派。」Odi認為更多合作空間。

Carmen玩完《造星III》後知名度大增,簽約無綫拍劇,被網民批評她倒戈相向,Odi力撐隊友:「又唔可以咁講,作為藝人都想多機會同空間去嘗試,我都等緊公司安排。」Karen亦希望可以參與拍劇,渴望和師兄陳展鵬合唱,但未敢高攀和視帝展鵬做戲。

海俊傑押後造人大計

海俊傑歡迎Karen加入大家庭,他雖然不認識對方,但從網上頻道看過Karen表現出眾,期望合唱。海俊傑近日完成伍仲衡音樂會,及電視劇拍攝,終於可以稍作休息。較早前他曾透露想和老婆生仔組織家庭,但如今計劃押後:「咁嘅時勢只能順其自然,我仲得嘅。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner