張寶華趁皇都戲院重建前再遊舊地 媽媽弄傷腳未能親臨緬懷

更新時間 (HKT): 2021.04.19 19:00
張寶華三度重遊皇都戲院。

屹立北角超過半世紀的皇都戲院,將會被圍封面臨重建,近日張寶華第三度重遊此地,緬懷媽媽經常帶她去睇戲的地方,她在社交網貼相及寫長文,指戲院於97年後,曾荒廢20多年,雖然即將要重建,幸獲發展商承諾會保育皇都戲院。

今日張寶華(Sharon)接受《蘋果》電話訪問,談及她今次參觀皇都戲院的感受,她說︰「今次係我第三次去,再唔去冇機會,因為今年第三季就會圍封,準備重建。」原來她日前到皇都戲院一遊,巧遇新世界發展執行副主席鄭志剛,Sharon說︰「嗰日咁啱鄭生喺度,大家打個招呼。見到佢真係好有心,保育皇都戲院,而家喺重建前,佢哋收集咗好多資料,喺商場位置搞咗個《尋找你我他的皇都》,將戲院內嘅舊物、電影戲票都整理過,讓大家可以睇到昔日戲院係點樣,真係好值得去睇。」

Sharon的媽媽自4歲來港生活,更住在皇都戲院附近,經常到來欣賞電影,Sharon說︰「我阿媽係上海人,北角呢頭聚居咗好多上海人,我細個時唔係住附近,媽咪都成日帶我嚟呢度睇賀歲片,所以我媽咪對呢度好有感情,不過好可惜,近排佢整親腳行唔到,唔可以帶佢過來重遊舊地。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner