MIRROR成員Stanley想同女友演失散姐弟 Alina反白眼:姑姐吖笨!

更新時間 (HKT): 2021.04.20 16:03

MIRROR成員楊樂文(Lokman)、陳瑞輝(Frankie)、邱士縉(Stanley)與女友李炘頤(Alina,原名李靜蓮)今日在葵涌為ViuTV 劇集《IT狗》舉行開鏡拜神,同場還有凌文龍、陳漢娜、彭秀慧、岑珈其等。

Stanley指今次與Alina沒有同場,所以不算情侶檔,「希望之後有機會,但唔好演情侶,做其他嘢先好玩,例如失散多年嘅家姐。」Alina聞後即反白眼:「姑姐吖笨!最好唔好做情侶,一碰面就鬧交就好麻煩。」Stanley笑說:「我驚演情侶,鬧交位cut咗機都唔停。」提到Stanley最近在IG上載操胸肌片段,是否預告將在演唱會騷肌?他說:「未知,但一定有肉嘅環節,可能係Jeremy露呢,咁先有驚喜!」問到Alina有沒有演唱會飛?Stanley說:「女朋友實有免費飛,但係我哋拎到門票係有限。」

至於Lokman飾演一個自戀的創科才俊,他表示第一次有角色做,「之前只係客串性質,最開心係同隊友一齊演喜劇,劇組由我哋爆肚同埋攪亂檔。」Frankie透露扮演一個內向、充斥負能量的人,笑指跟自己有點似。對於他們拍劇和綵排演唱會兩邊兼顧,Lokman表示下月頭獲劇組放人,屆時可專心排練演唱會。

凌文龍透露在劇中與陳漢娜有曖昧的感情戲,而且這套是輕喜劇,陳漢娜笑指凌文龍都有幽默感。凌文龍首次擔大旗做劇集男主角,笑言是一個大挑戰,「有唔慣,拍劇嘅工時長好多,上晝拍到夜晚,跟住再準備第二日嘅功課,所以休息會唔夠。」陳漢娜則說:「劇集日日開工,電影就冇咁密集式。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner