Ian漏多謝女友

更新時間 (HKT): 2021.04.20 02:00

MIRROR三子中Ian陳卓賢(左)奪得男歌手銅獎,他說要補回多謝出過力的朋友及fans,記者提醒未多謝女朋友盧慧敏(Amy),他只說:「多謝身邊支持我嘅人!」獲新人獎的阿Jer柳應廷則被隊友要求請食飯,一輪起哄後他終於就範。而在商台頒獎禮因失落新人獎而黑面的江𤒹生(右),前晚輸獎時卻笑容滿面:「上次之後對獎項冇乜想像,所以今日係驚喜,好開心可以同Ian一齊攞。」

林二汶待邀上《勁歌》

繼在商台奪得我最喜愛的女歌手後,林二汶(中)前晚再下一城奪年度女歌手金獎,Serrini(左)及李幸倪則分奪銀、銅獎,過去幾年二汶經常幫ViuTV演出,會否覺得得獎是「獎勵」?二汶說:「佢哋畀我最多唔係獎項,我覺得最多嘅係佢畀我更多機會。」若無綫邀請亮相《勁歌金曲》會否出席,二汶即說:「會呀,無任歡迎,why not?」

泳兒成英皇代表

泳兒憑《溝渠暢泳》奪得其中一首年度十大歌曲,亦是英皇唯一得獎及出席的歌手,公司是否要她來當試金石試一試ViuTV的誠意?她笑說:「我又唔會咁諗,(自己公司歌手)可能冇期,希望下次可以同一班兄弟姊妹一齊嚟開心。」久久未出席過有現場觀眾的頒獎禮,泳兒直言氣氛超好。

娛聞樂陪你走遍全球追星,即Like「娛果」FB 專頁!
BannerBanner