馬浚偉開咪做港台節目 非公務員合約未有出任高層

更新時間 (HKT): 2021.04.20 19:19
馬浚偉為港台主持新節目。

馬浚偉將出任無綫訓練班校長,早前亦有報道指他將會出任港台高層,當時馬仔解釋是有合作計劃。今日,馬仔在港台出席直播廣播節目《同理‧繼續傾》記者會,原來他開咪做DJ,更獲車淑梅送上「心耕天下」四個字,周國豐則送真咪作為馬仔的開咪禮物。

馬仔表示節目將於下月3日開始,工作繁忙的他,直言自己不當這是一份工作,「老實講,我唔係為咗賺錢而開咪,但我衡量過,我有舞台劇、電影、公司、學校,仲有TVB半年,所以我好長時間喺香港,所以我可以應承到港台,暫時當係一個長期節目去做。」

早前有傳他是港台高層?馬仔笑說:「高咩層?你諗下,我冇可能係一個公務員,除非我有公務員合約,我就可以出任佢哋嘅全職身份,我係冇可能,我咪要掟晒自己啲生意?所有業務都唔做得?所以呢個係冇可能,但如果我用兼任身份去做其他嘢,例如我做呢個節目,坦白講,我同周國豐、電視部係有傾過,但我都唔會係全職嘅人,而且未成事,只係初步傾,咩職位有咩所謂吖,都係虛銜一個,冇意思,我夠係4間公司嘅CEO、學校老闆兼打雜,洗厠所都係我。」

馬仔透露無綫訓練班將於下星期進行首次面試,他說:「有1,800人面試,最後只開一班30人。預計5月尾開課,3個月理論加課堂,3個月實習,其實大約6個半月左右,接近一半時間我都會喺度。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner