193@ERROR IG暴升10萬差8千追平姜濤 批傳媒斷章取義標題黨上身

更新時間 (HKT): 2021.04.20 13:26

ERROR成員193(郭嘉駿)自從爆金句暗寸TVB是老人台又笑TVB新五虎個名「娘」後,193即升呢變「3哥」和「3爺」,更獲網民追捧封他做「娛樂圈清泉」,其IG在短短一星期,由8萬followers暴升10萬至今日(20日)中午12時的187,000,比起MIRROR人氣王姜濤的195,000,只相差8,000。

一向有話直說的193,莫講話TVB,做節目《花姐ERROR遊》時,就連經理人花姐都敢得罪。對於當日跟曾志偉隔空罵戰,193強調花姐都話自己數據上是正確,但說話技巧可以靈活一點。前晚193出席《Chill Club》頒獎禮接受一間傳媒訪問時,就話:「即係可能講咗老嘢,可能就會得罪咗啲老嘢,我原本唔係用『老嘢』呢個字,係想話老一輩,點知衝口而出,所以我已經諗咗喇,下次叫佢哋耆英,耆英係一個好嘅term。」結果就因為該傳媒以「耆英」一詞做標題,令193再度被網民鞭撻他不尊重長輩。

強調「耆英」是對老人尊稱

遭網民圍剿的193,今日在IG story中,就將矛頭指向傳媒的報道,指報道為求嘩眾取寵,往往標題黨上身,又斷章取義將訪問內容斬件式出街。他說:「經常有報道會用嘩眾取寵嘅標題去吸引讀者,通常都係斷章取義地抽取訪問其中一句說話做標題封面,將一啲重要嘅前文後理忽略,然後一班冇文化兼愚蠢嘅讀者就會相信咗,其實『耆』呢個字本身都係一個形容年紀嘅字,而『耆英』係一個對老人的尊稱,唔識就學啦,唔識就google啦,活到老學到老呀。」

去年曾放負自爆「失業中」

193經常將口頭禪「知我咩料啦」掛嘴邊,可是《全民造星》出身的他,加入ERROR後,他曾經歷一段低潮期。去年6月,193在IG貼出千字文,呻被ERROR之名局限發展:「畢業返香港之後曾經喺時裝界打滾過一段日子,曾經幻想過自己成為一個Fashion Model,甚至係香港嘅Fashion Icon。但ERROR局限咗好多嘢,人哋總會覺得我哋騎呢、岩巉、樣衰、搞笑、甚至無腦。喂!大佬我喺英國讀心理學㗎,而我自問轉數都幾快而且識講嘢,但冇人會搵我去做正經節目,因為我係ERROR。我亦都好羨慕MIRROR會有唔同嘅時裝品牌搵佢哋好型好Chok咁拍廣告,收錢着住時裝品牌嘅衫出Event。」放負之餘,更怨自己「失業中」,當時有不少網民猜測他是否打算離隊。

英國專攻心理學

其實,出身中產的193,幼稚園已讀名校St.Catherine,之後入讀九龍塘Band 1中學,之後父母供他到英國班格爾大學攻讀心理學學系,並以一級榮譽畢業。而由於193沒有家庭負擔,返港後亦未有學以致用,一向對潮流甚有觸覺的他,反而將興趣變成事業,加入時裝集團做採購,而每每出糧又會買大堆名牌衫褲,有指父母還將位於紅磡一個兩房單位供他獨居。

有家庭有學歷有樣有身高,難怪193想做偶像多過做諧星笑匠。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner