黃樹棠兒子淚湧念親恩 父母臨終前為離婚感內疚

更新時間 (HKT): 2021.04.20 12:47

資深藝人黃樹棠(求叔)在本月十日因肺癌病逝,終年77歲,其任職配音的兒子黃榮璋(章魚)將於下月5日在世界殯儀館為亡父設靈,並設公祭讓大家跟棠哥道別。棠哥雖走了十天,但章魚仍未釋懷,今日凌晨章魚在社交網撰文念親恩。

章魚一字一淚悼亡父:「唔知點解對眼好似閂唔到個水喉,我好似一路記返起晒以前好開心嘅記憶,佢哋由細開始就好錫我,阿媽唯一一次揸住衣架想打我,追追吓都會變成一齊大笑,好開心咁冇咗件事,阿爸係一個武功高強嘅人,佢實打過我?對唔住,係無!佢兩個錫到我燶....而家兩個都唔喺度喇!媽媽嘅事好不容易先可以放下....佢哋不約而同地喺走前都有提及離婚嘅事,對我嘅影響係最大,有點點對我抱歉!」

棠哥於1982年與女友胡桂蘭結婚,胡桂蘭是棠哥的音樂老師,細他5年,棠哥跟她學唱歌結緣,在情路上受過幾次傷害的棠哥,曾有不想結婚的念頭,直至遇上太太,才改寫一生,兩人婚後翌年生下兒子,組織幸福之家,2005年胡桂蘭因癌病離世。棠哥一直沒向傳媒公告離婚消息,直至他死後,章魚懷念亡父亡母對他的愛,才透露父母在他童年時期早已離婚了,並為令兒子在破碎家庭長大而深感內疚。

父母離婚後,棠哥和章魚相依為命父子情深,在單親家庭長大的章魚安慰亡父亡母,「但係因為咁,我先有一個不一樣嘅童年,我而家想同你哋講,你哋對我好好,唔需要內疚,我一樣都係幸福的!你哋兩個都係我最重要嘅人!教識我好多做人嘅道理,近呢十幾年我都同我爸相依為命,似兩兄弟多過父子,你冇錢有我頂住,我冇錢有你頂住,出生入死,雖然拗撬一定有,但係父子冇隔夜仇,引用阿爸近年每日都會講嘅一句,我永遠都會記喺心,人唔需要貪心,要知足,『簡簡單單又一餐』便足夠了!我好掛住你呀!爸爸!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner