劉頴匡臭格改歌詞表心聲 阮民安為他唱出「指鹿為馬 真都變假」

更新時間 (HKT): 2021.04.21 18:38

劉頴匡去年因參加民主派初選被控「串謀顛覆國家政權」,他至今已被還押逾50日,不准保釋,劉頴匡女友黃于喬(Emilia)不怕辛苦,每天都會到荔枝角收押所探訪。劉頴匡更叫女友代呼籲「大家關注吓12港人,唔好放低佢哋」

劉頴匡今年1月被大圍捕後,在臭格的48小時內,他重填林宥嘉的歌曲《想自由》,把自己的心聲融入歌詞之中,Emilia就邀請了阮民安(Tommy)和二創音樂人晴天林去演唱,歌詞提到「殘暴者都不會憐憫,良善者只可以頑固抗爭」、「無情時代,吹熄不了,停不了,靜不了,牆內的花瓣都會飄,迎來下一秒,更多紛擾」、「指鹿為馬,真都變假」,令大家有共鳴,Tommy、晴天林和Emilia今日更一齊拍了MV。

還柙逾50日

Tommy表示收到Emilia的邀請,馬上聯絡晴天林,Tommy今日接受《蘋果》訪問時說:「Emilia每一日都會去荔枝角探阿匡,仲會安排唔同嘅親朋戚友去探佢,呢件事堅持咗超過50日。我哋好佩服佢,所以想將佢呢一段時間嘅經歷同遭遇拍埋喺MV裏邊,Emilia喺MV度做番自己係最適合不過,我都幫手搵咗啲阿匡嘅好朋友嚟一齊參與製作。」

晴天林表示看過劉頴匡的歌詞深受感動,他說:「呢首歌同我平時改編嘅歌可能有少少唔同,佢比較正經啲,我平時改嗰啲就幽默搞笑啲。大家都關心還押緊嘅民主派47人,希望呢首歌可以令到大家繼續關注,大家聽到我同Tommy唱時感受吓阿匡而家嘅心情同感受,歌詞有佢想同香港人講嘅嘢。」晴天林還穿上寫上「Truth is Power」的「撐蘋果Tee」演出。

Emilia為撐男友決心拍好MV,她說:「阿匡一向都好鍾意創作,佢一直有改編歌詞。佢喺收押所入面都有唔同嘅靈感。呢首歌其實就係佢喺1月6號俾人拉咗後,喺警署入面嗰48個鐘諗出嚟嘅,相信正係反映到佢當時個心態,大家睇歌詞都可能會感受到佢嘅感受。」Emilia希望用此曲為還押中的男友打氣,她續說:「創作對佢嚟講係一個好重要嘅部份,亦反映到佢嘅意志,同埋鬥志,佢而家剩返文字可以出到嚟。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner