試當真Locker被爆疑將kayan9896私有化 Santis為直播玩電話道歉

更新時間 (HKT): 2021.04.21 16:20
(影片截圖)(IG圖片)

昨晚四個本地YouTube頻道舉行聯合直播,除了播出他們各自邀請對方頻道演員所拍成的短片外,四個頻道亦聚集一同開Live,本來四台合體一事令網民甚為期待,不過由於昨晚的直播內容沉悶,加上直播時不少演員都是各自低頭玩電話,未有理會主持的發問,故有不少網民留言直指大失所望。雖然四台的直播被指是鬧劇,但當中就意外爆出「試當真」的Locker(林家熙)疑似將女神Jeannie(kayan9896)私有化。

四台昨晚在播片前,聚於一起輪流開直播,當輪到試當真直播時,主持游學修問熊仔頭為何不找他演出其短片?熊仔頭笑指自己太忙,有很多演員都是臨時記起要找對方:「我噚晚先搵阿慈(指倪安慈)拍完。其實我都要同Locker講,我噚晚4點幾搵kayan9896,跟住我send咗段WhatsApp話『唔好意思呀,我唔記得咗搵你呀,可唔可以搵你拍呀?』」在旁的游學修聞言,即問熊仔頭是想找kayan9896還是Locker演出,熊仔頭即扮作說漏嘴:「係喎,點解會一齊講,講錯嘢。」隨後他追問游學修,kayan9896是否試當真的演員?游學修故弄玄虛的說:「睇你點睇啦,因為有啲關係咁囉。」熊仔頭亦接力狙擊Locker,指Locker曾在試當真的影片內表示鍾意kayan9896:「我以為係做戲嚟,點知用真嘢!」被爆將kayan9896私有化的Locker,即躲在演員的背後未有回應此事,為免氣氛尷尬,陳苡臻(Jessica)即代為解圍說:「即係你話Locker係唔鍾意我?因為佢前一句係『我唔鍾意Jessica』嘛!」

另外,對於有網民指不少演員在直播時只顧低頭玩電話,有不尊重網民之嫌,對此熊仔頭頻道的演員Santis即在IG發出道歉文:「開live方面,大部份時間望住電話睇留言,甚至分心。檢討咗一整晚,明白到係觀眾眼中,會感到不被尊重,畀咗人一種唔重視嘅感覺。身為幕前,忽略咗面對鏡頭、面對觀眾,係我疏忽,畀多一次機會我,我會成長,會習慣。」對於令觀眾感到失望,Santis直言非常抱歉,並表示往後會注意和顧及各方面,希望觀眾能再給予她機會。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner