何韻詩周六線上開會員限定迷你音樂會 89歲胡楓刷新自身紀錄再攻紅館

更新時間 (HKT): 2021.04.21 22:55
(IG圖片)

已經久未在幕前演出的何韻詩,月前推出新網站招收會員,不少fans都期待阿詩宣佈新搞作,今晚她終於在社交平台「報喜」,指將於本周六(24日)舉行第一個線上迷你演唱會,而且講明會員限定。

阿詩坦言:「咁耐無做show,坦白講,都真係有少少陌生感,需要啲時間令個人返來。由上個月開始籌備,搵場地、諗song list,漸漸回魂,到今日距離on show仲有三日,係開始興奮嘅。一路嚟講演出、演唱會都係一種凝聚大家嘅時刻,無論係我哋自己個team,或者係觀眾,都靠呢個維持自己嘅生命力。咁講好似好虛無,但事實上,每次有呢啲演出嘅空間,無論係紅館、O.T.P.O定係NYC London等嘅小型演出,都會感覺到同樣嘅Magic。無做show嘅呢兩年,單單靠自己維持意志,唔係唔得,但未免偶爾會感到吃力。」

天腳底都出騷

阿詩可以再度演出,她明言儘管沒有華麗的舞台,但無論是谷底還是天腳底「都同你照開張」,相信為fans打了一支強心針。

另一方面,隨着疫情緩和,不少實體演唱會都陸續「翻生」,繼林二汶、RubberBand之後,現屆89歲高齡的胡楓(修哥)都宣佈攞到紅館檔期,將於今年6月19日舉行《胡楓約你開心派對2021 》,門票分380至880元不等,下周一起信用卡優先訂票。

其實今次的演唱會,原定在去年舉行,由於疫情影響,才延期至今年演出。而修哥今次再開騷,將刷新其最高齡演出者的自身紀錄

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner