練樂儀從醫護角度鼓勵市民接種疫苗 已預約打針為北上做準備

更新時間 (HKT): 2021.04.21 23:09

亞姐練樂儀(Alina)、黃奕瑄和夢若芊今晚在九龍灣進行帶貨直播,3女以三點式泳衣示人,當中擁有36C、24、35的Alina最吸到「收視」。不肯透露三圍的黃奕瑄只笑說:「我係『A』優生!」

平時愛水上活動的Alina,曬得一身古銅色。曾是第一屆《亞洲美人魚小姐大賽》的三料冠軍的她,在今個月尾將考「美人魚牌」。最近她現身不少帶貨的直播,笑言收入比以前增加:「都唔錯,周圍執啲,百足咁多爪,我係自給自足嘅女仔,因為我冇人養。」現時以part time形式簽約亞視,勝在自由度大:「之前公司安排我去唔同公司做唱歌表演,所以接啲唱歌騷,仲有《百萬拳賽》,聽聞公司會投資過千萬開10個節目,到時都會幫手。」

8月尾返大陸

此外,有護士執業資格的Alina,平時有協助市民接種疫苗,談到打針的爭變成都好大,她說:「以醫護角度嚟講,梗係打針啦!為社區、為自己、為家人,多份保障,疫苗係醫學上可以認可嘅預防疾病嘅藥物,所以我都建議打。我都預約咗打,因為打疫苗都要講好多因素,睇返身體狀況適唔適合打,咁啱做咗手術,或者有特別嘅事故係唔適合打,或者我前排打過其他針,咁叫隔返28日先可以再打,打完疫苗有啲嘢又唔做得,例如劇烈運動、飲酒。」問他是否打算返大陸?她說:「8月尾同陳蕊蕊返大陸做一個大型活動。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner