193帶挈舊團綜收視升《ERROR自肥企画》下月播又炸sound bear?

更新時間 (HKT): 2021.04.22 23:34

如果要以一句歸納ERROR特色,應該是「四歸一 超高質最究極 最佳出品 四位精英」。4位精英當中的193(郭嘉駿),近兩星期更人氣大爆發,IG followers人數已突破21萬,其他3位隊員望塵莫及,甚至連MIRROR人氣王姜濤都要落後幾千fans。

193隨口噏後受到極大關注,但沒有「紅咗冇朋友」,在回覆傳媒時多次提起隊友,更叫新追隨者留意ERROR節目《ERROR自肥企画》。新節目將會接《學神出沒注意》棒,下月3日晚上11時首播,今日ViuTV終於出片為ERROR宣傳,之前幾套團綜有193挑戰小強淋頭、保錡快吞轟食腥臭魚眼、笨豬跳等,全部都攞命博,4位隊員都形容公司黐線,今次新宣傳片仍然有這句:「黐X線公司!」

至於受緋聞纏身的保錡,早前在IG道歉及宣佈暫別,上周ERROR做隊長的《口罩小姐》總決賽,保錡有隨隊友接受訪問,不過全程「雪到硬咗」粒聲不出。今次《ERROR自肥企画》宣傳片,就將保錡以「反省中」3字遮樣,有人留言說:「ERROR團綜係唔可以冇咗快吞轟㗎!」

另外,宣傳片開頭有一段爆炸場面,心水清的觀眾應該估得到,今次《ERROR自肥企画》將會一如傳統加入炸sound bear環節,將公司吉祥物粉身碎骨。

今次新宣傳片可以謂揀啱時間,自193人氣爆發後,ERROR的團綜節目《花姐ERROR遊》、《花姐ERROR遊 2》、《ERROR自救TV》都成功搶上ViuTV「最多人睇」一欄的前列位置,觀眾重溫完舊節目,到時睇《ERROR自肥企画》就會更投入。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner