鄭則仕新片5大影帝鬥戲 再演「豬油仔」:無私咁奉獻係最好

更新時間 (HKT): 2021.04.22 18:36

新晉導演許悅銘執導新片《金錢帝國:追虎擒龍》集合五大影帝古天樂、吳鎭宇、梁家輝、林家棟與鄭則仕(Kent哥)主演,電影以70年代「四大探長」故事為藍本,電影將於本月29日上映。今次演「豬油仔」的Kent哥與導演一同接受訪問,Kent哥指再次演這個角色,在描繪情懷上大不同,他說:「今次電影嘅角色描繪人嘅情懷多於案件,豬油仔會站在黑白兩道中間,要自保又要保障恩人,係好矛盾嘅掙扎。」

Kent哥又指今次跟各大影帝合作,各人沒有私心:「雖然有主副之分,但那怕幾大影帝,大家一視同仁,無私咁奉獻係最好嘅,今次團結精神好緊要。」Kent哥更大讚導演有潛質,捧他為新一代接班人,Kent哥說:「由《追龍》開始,我同佢合作過3次,佢完全唔似一個新導演,穩陣中又可以畀到新花樣,好高興有呢個接班人,咁大投資搵到個穩陣嘅人,應該對得住大家。」

現年38歲的許悅銘入行13年,編劇出身的他首次執導,便是拍這齣耗資過億的大片,加上要跟5大影帝合作,許悅銘自言大感壓力:「開始時都驚唔知點同大家合作,佢哋經驗太豐富,但係佢哋都有唔同嘅付出,家棟會同我傾角色、古仔喺我創作嘅時候已經同我傾,佢都有份寫個故事,鎭宇就會想演一個創新嘅『雷洛』,家輝為咗貼近角色原型,自己去整大個鼻同剃頭、而Kent哥就一路幫我飛沙走石,佢好衰,永遠都一take過,唔畀我有第二take。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner