許廷鏗承認星夢招手 揀唱片公司如揀女朋友都要睇緣分

更新時間 (HKT): 2021.04.22 17:43

許廷鏗現時未簽唱片公司,但不限制任何形式工作,今日就以自由身身份出席銅鑼灣一個商場內舉行的音樂會,一口氣唱4首歌,現場雖有觀眾卻不能有握手,他行近與觀眾碰手臂代替。好友胡鴻鈞現跟星夢唱片斟洽合約,曾表示歡迎許廷鏗同公司合作,之前許廷鏗承認星夢有招手,他說:「冇問題,我都鍾意同唔同歌手合作。」至於會否不斷選擇,而錯失機會?他說:「揀唱片公司如揀女朋友,都要睇緣分。」更否認要求高「吊高嚟賣」,最主要希望跟公司合作有更多配套。

而今次音樂會,以靜音形式舉行,商場大廈外有大電視直播,現場觀眾則需要戴耳筒收聽:「呢個新方式幾玩,好似喺聽眾耳邊唱,感覺好赤裸,我媽咪同婆婆喺樓下睇緊。」他表示母親低調,並沒有到表演現場,笑言她不會看得太興奮而向途人透露兒子在唱歌。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner