KB玩爆戴祖儀個腎 再寸將軍澳B哥:啲嘢唔X得等收皮

更新時間 (HKT): 2021.04.22 19:01

要講香港的整蠱節目,相信好多人會想起《情義兩難全之玩爆你個腎》,節目由KB(李健宏)和拍檔阿寧合作,做足10年,網民亦笑足10年;日前播出的第27回「爆腎」嘉賓是TVB旗下歌手藝人戴祖儀,她之所以成為「爆腎」對象,全因其身邊一班合作伙伴及Fans Club幹事,想為3月生日的她送上驚喜。雖然,不少看罷節目的網民都讚戴祖儀真性情不錯,見到「孤兒」Fans表現好有愛,但大多數人都把焦點放在KB與阿寧的Opening短片上,片中KB句句有骨寸爆TVB老土兼過時,網民看罷紛紛留言大讚好正!

短片內飾演「將軍澳B哥」的阿寧找KB講數,質問他為何「搞我啲人」,KB即連珠發炮向「將軍澳B哥」反擊,叫他不要這麼小器,又指現在是share economy(共享經濟)的年代,取笑「將軍澳B哥」好Out之餘,又提醒他時代要進步,山頭主意已經過時。之後KB又說自己是鼓手,早於10年前已在網上「整鼓」,但「將軍澳B哥」門生「海蜇」早年又開店幫人「整鼓」,暗嘲TVB早年跟風,找李思捷主持整蠱節目,KB再寸爆說:「開檔嘢幫人整鼓都唔緊要,但係唔好X抄吖嘛!我點幫人整套鼓,佢又照dup,過咗去都算喇,而家你又再開檔嘢話幫人整鼓,仲周圍吹話有幾X大,你即係轉過彎話我細啫!」

最後,KB再提醒「將軍澳B哥」現今社會靠「食腦」,資訊發達無得呃,「啲嘢唔X得就等收皮,就算我啲嘢唔得都要收皮,無得怨。」最抵死是「將軍澳B哥」離開後,KB即變臉,嚇到喊晒口表示要跟「老屎忽」講數好驚,因為他們出名小器。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner