簡淑兒傳暗撻唐紫睿舊愛腳踏兩船 高呼無辜兼驚爆同男友已分手

更新時間 (HKT): 2021.04.22 00:00

TVB小花簡淑兒被封為「腰果眼女神」,家族經營珠寶生意的她,入行多年緋聞唔算多,去年承認與圈外舊愛復合數月;不過,最近《蘋果》收到讀者報料,指唐紫睿(Hazel)的前度曾暗撻簡淑兒,兩人秘戀3個月。

據讀者表示,「幾年前Hazel話前男友Louis係世界最差嘅男人,之後(Louis)暗撻簡淑兒維持咗3個月。我朋友係素人,以前都曾經同Louis拍過拖,佢飲醉酒會向女友發脾氣,又試過偷食,點知原來佢都係簡淑兒男友,自己睇唔過眼爆料。」讀者並提供了女友人的眼瘀和手瘀相,還有Louis的上身赤裸相。4年前,Hazel在社交網貼淚眼相,宣佈與Louis分手,「這個世界上最差的男人,就是分手了。」同年,簡淑兒被《蘋果》影到與圈外男友拍拖行銅鑼灣,惟當時她沒有承認戀情,直至去年受訪談及感情生活,才表示兩人曾分手,幾個月前復合。

對於被指曾跟Hazel舊愛Louis暗撻3個月,疑背男友一腳踏兩船,簡淑兒接受傳媒訪問時強烈否認,直斥:「黐線,真係冇啲咁嘅事,佢咁講有啲離譜,我好無辜!Louis唔係我男朋友,係咪有啲乜嘢誤會呢?冇可能囉,我識Louis,佢係我朋友啲friend,但我同佢冇拍過拖喎。」

對於有關Louis的傳聞,簡淑兒說:「朋友有講過,但我同佢唔熟,唔知佢飲酒習慣,其他嘢都唔清楚,我同Hazel之前同一間公司,嗰時有見過佢帶過男友出嚟,但我同Hazel唔係好熟,佢哋之間嘅嘢我完全唔知。係咪因為可能我哋都識,Louis同Marcus個名都似,被人誤會呢!」

為表清白,簡淑兒公開之前被傳媒影到兼復合的男友名叫Marcus,更驚爆兩人又分手了,復合不足一年再次玩完:「可唔可以唔好拉埋我落水呀,我有啲無辜,其實我哋都分開咗,只係冇公開,以後感情生活會盡量低調啲。而家係單身,分手冇第三者,我哋和平分手,性格唔啱啫,事業為重先。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner