姜濤嘟嘴斜望Polly胸部 放下偶像包袱為求勝狂咬阿Dee

更新時間 (HKT): 2021.04.22 13:21
(網上截圖)

人氣王姜濤一向給人鄰家男孩、乖乖仔感覺,原來內裏暗藏獸性,昨晚ViuTV播出遊戲節目《考有Feel》見證姜濤「成魔」之路,節目中姜濤與江𤒹生(Anson Kong)及邱士縉(Stanley)對戰193、阿Dee及羅沛琪(Pinky),起初熱身遊戲「吹乒乓」時,姜濤拿起相機除塵泵不停揸,並指「舒服囉揸得!」身後AK笑指「姜B鍾意揸嘢」。

放下偶像包袱

經熱身後,姜濤開始玩得越來越放,完全放下偶像包袱,於「究竟聽咗乜」環節中,姜濤要做口形或發出聲音,令隊友估「食奶嘴」3個字,姜濤先嘟起嘴扮食嘢,然後突然向左轉斜望站在身後劉若寶(Polly)的胸口,AK與Stanley即嗌出「食奶嘴」,姜濤興奮得拍手狂跳,阿Dee及193都讚「姜B好波」。姜濤忍不住掩嘴大笑,而Stanley即重演姜濤鈄望Polly動作,令Polly亦失控爆笑打姜濤一下。身為主持的阮小儀也笑說:「頭先見證姜B成魔之路,佢咁壞係因為呢個遊戲而開始。」事後姜濤解釋因為很難扮,無計可施下才出此下策。

玩到盡 狂咬阿Dee

正所謂「一係唔玩,要玩就玩到盡」,為求爭取勝利,姜濤於最後環節「瘋狂追聲族」時,完全將對手阿Dee設定為仇人,姜濤一開始已經起勢攬實阿Dee,令阿Dee動彈不得,搶不到地上公仔,當比賽時間結束後,姜濤仍失控咆哮,再咬實地上公仔,並問「我有冇贏呀」,可能姜濤經已打上癮,二話不説再跟阿Dee扭在一團對打,其間更咬阿Dee的大髀位置。

事後阿Dee指「我見佢係昂貴財產,費事用力,不過呢個小朋友要學識真正教訓」,進入瘋狂狀態姜濤聞言再挑機一戰,怎料再戰時,姜濤從後鎖實阿Dee再咬,阿Dee大叫:「我喺陸地遇溺呀!」最終2人打得太投入,連在場人士也懶理2人,繼續完成節目。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner